Gedagte vir die dag: Dankbaarheid en hartseer

Foto: pixabay/borisSk.com

‘n Groot menigte van die volk het agter Jesus aan geloop, onder wie ook vroue wat oor Hom getreur en gehuil het. (Lukas 23:27)

In die menigte wat die Verlosser na sy dood toe gejaag het, was daar ’n paar siele wat aan hul hartseer uiting gegee het. Daardie vroue het rede gehad om Christus lief te hê en te ween, maar ek het ook. Een was dalk die weduwee van Nain wie se seun uit die dood opgewek is. Maar ek is ook opgewek tot ’n nuwe lewe.

Nog een was dalk Petrus se skoonma: genees van koors. Maar ek is genees van ’n groter siekte: sonde.

Sekerlik was Maria Magdalena daar, uit wie Jesus sewe duiwels gedryf het. Maar Hy het ’n hele legioen van boosheid uit my gedryf.

Aangesien ek my Verlosser net soveel skuld as hierdie vroue, laat ek dan by hulle aansluit in my dankbaarheid en hartseer.

Bron:  Elke nuwe dag deur Charles H. Spurgeon
Uitgewer: Christelike Uitgewersmaatskappy/CUM