Foto: pixabay.com
Wie My liefhet, hóm sal my Vader liefhê, en Ek sal hom ook liefhê en My aan hom openbaar. (Johannes 14:21)
God het Christus, sy Seun, gegee sodat ons met Hom versoen kan word. Maar dit is slegs moontlik indien ons in gemeenskap met Jesus Christus leef.
Ons verhouding met Christus berus op sy diep, tere liefde vir ons. Uit onsself is ons nie in staat om hierdie liefde te beantwoord nie. Maar die Heilige Gees sal die werk in ons doen. Daarom moet ek myself elke dag van die wêreld afsonder en in geloof na die Here Jesus wend, sodat Hy sy liefde in my hart kan uitstort en ek met ’n groot liefde vir Hom gevul kan word.
Amen