Foto: pixabay.com
Toe ek na U geroep het, het U my gebed verhoor en vir my nuwe krag gegee. Die Here sal vir my alles goed laat afloop. (Psalm 138:3, 8)
Die Here laat sy kinders nooit tevergeefs na Hom roep nie. Hy is altyd gereed om te help, en bereid om sy wonderwerkende krag vir hulle aan te bied, sodat alles op die ou end vir dié mense wat God vertrou goed afloop.
As jy op die Here vertrou, kan jy groot dinge vermag, omdat Hy jou sy hulp, bystand en krag belowe. Jy mag die belofte dat Hy ook vir jou alles goed sal laat afloop joune maak.
Om die leisels van jou lewe in geloof aan God oor te gee verg moed, geloof, selfdissipline en vertroue. Dit verg die wysheid en insig om verder te kyk as aardse, menslike dinge. ~ Yolanda Dreyer
Dankie Here Jesus dat ek elke belofte in U woord myne mag maak….U genade is so groot…Amen