35+ haastig vir inenting in Wes-Kaap

Pfizer se entstof teen Covid-19. (Foto: Unsplash)

Registrasies van persone tussen 35 en 49 jaar in die Wes-Kaap om die entstof teen Covid-19 te ontvang, stroom in. Byna 300 000 registrasies is binne die eerste vier dae ontvang. Amper 1 miljoen inwoners van alle ouderdomsgroepe bo 35 jaar het ook reeds hier vir die inenting geregistreer.

Die provinsiale wetgewer in die Wes-Kaap het egter Sondag sy kommer uitgespreek omdat baie van die geregistreerdes tussen die ouderdom van 50 en 59 nog nie opgedaag het om hul inenting te ontvang nie.

“Daar is ook baie inwoners ouer as 60 wat nog nie hul tweede dosis van die Pfizer-entstof ontvang het nie. Daarom raai ons nie persone tussen 35 en 49 aan om bloot by inentingstasies op te daag sonder ’n afspraak nie omdat ouer mense eerste gehelp sal moet word.”

Stacy McLean, waarnemende woordvoerder van premier Alan Winde, sê persone ouer as 60 hou die grootste risiko in vir hospitalisasie en sterfte en vind dit moeilik om aanlyn te registreer. “Hulle sal eerste gehelp word.”

McLean sê die wetgewer kan slegs 150 000 inentings per week toedien. Dit sluit egter tweede dosisse in wat ses weke ná die eerste dosis toegedien moet word.

Die wetgewer het ses weke gelede (die week van 31 Mei tot 4 Junie) ongeveer 70 000 mense ingeënt wat nou hul tweede dosis moet ontvang.

McLean sê beplanning is dus baie belangrik in hierdie stadium.

“Ek is vol vertroue dat die tempo waarteen 35-plussers ingeënt word vinnig sal toeneem namate meer entstofvoorraad  beskikbaar gestel word en meer mense ouer as 50 ingeënt word.”

Deel van: SA-nuus

Koronanuusbrief

Wil jy op hoogte bly van alle nuus oor Covid-19 op Maroela Media? Teken in op die nuusbrief.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

38 Kommentare

jongste oudste gewildste
Chrils

Ek is 35 oor 4 maande, kwalifiseer ek nog?

SwartBees

Ek voel as iemand sy beurt mis om gespuit te word is dit sy eie endaba. Spuit die wat opdaag en klaar.

Danie

Goeie werk Wes Kaap. Hoe vinniger almal saam staan en hoe vinniger kan ons moontlik weer onder hierdie inperkings uit kom.

Erik

Wonderlik! Hoe meer mense inentings ontvang hoe beter. Ek sien in Amerika is 99,8% van alle Covid sterftes onder mense wat nie die vaksine ontvang het nie.

Elinette

Ons 50 plussers is slimmer. Ons weet dat hierdie nie REGTIG ‘n vaksinasie is wat jou van C-19 sal vrywaar nie, maar dat dit bloot ‘n inspuiting is met sekere elemente in, wat jou liggaam op moontlike infeksie voorberei, sodat dit weerstand kan opbou – HOPELIK. As jy gelukkig is, kry jy C-19 dan net in ‘n ligter formaat, wat jou nie suurstof-afhanklik maak nie, sodat jy nie in die hospitaal opeindig nie.