’n Vierjarige seuntjie is Vrydagaand gedurende ʼn huisbrand in Mitchells Plain in die Wes-Kaap dood.
Jermaine Carelse, woordvoerder van die brandweer-en-reddingsdiens in Kaapstad, het Saterdagoggend gesê dié span is die vorige aand omstreeks 19:40 na ʼn brandende huis in Portlands ontbied.
Volgens Carelse is beamptes van die brandweer-en-reddingsdiens met hul aankoms op die toneel in Sicilystraat ingelig dat een persoon vermis word. Die huis was in dié stadium in vlamme gehul.
ʼn Soektog is van stapel gestuur waarna die kind se liggaam in die sitkamer van die huis aangetref is.
Twee ander mense is gedurende die brand beseer, het Carelse gesê.
Die brand is ná 20:30 geblus waarna die saak aan die polisie oorgelaat is om op te volg.
Sterkte aan hulle wat ‘n seuntjie verloor het. Mag Jesus julle vertroos.
Tragies.