Amy-Leigh gevind: ‘Laat ondersoek sy gang gaan,’ vra polisie

Amy-Leigh de Jager (6). (Foto: Facebook)

Amy-Leigh de Jager (6) het ʼn mediese ondersoek ondergaan nadat sy in die vroeë oggendure met haar ouers herenig is.

Brig. Vishnu Naidoo, woordvoerder van die polisie, het bevestig dat Amy-Leigh, ʼn gr. R-leerder aan die Laerskool Kollegepark in Vanderbijlpark, vanoggend gevind is nadat sy Maandagoggend buite dié skool ontvoer is.

Die besonderhede rakende Amy-Leigh se terugkeer is nie in dié stadium bekend nie.

Naidoo vra nou dat die publiek toelaat dat die ondersoek sy gang gaan. “Die ondersoek na haar verdwyning en skielike verskyning duur voort.”

Maroela Media het vroeër berig vier mans het Amy-Leigh klaarblyklik omstreeks 08:00 by haar ma, Angeline, gegryp en in ʼn wit Toyota Fortuner met haar weggejaag.

Hulle het glo haar vyfjarige boetie uit die pad gestamp om haar te gryp. Daar is toe ook berig dat die ontvoerders met Amy-Leigh se pa, Wynand, kontak gemaak het en ʼn losprys van R2 miljoen vir haar geëis het. Die polisie wou dit egter nie bevestig nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

173 Kommentare

jongste oudste gewildste
Ameli

PRYS DIE ALMAGTIGE!! DANKIE VADER ONS SÊ NET DANKIE

Sky

Dankie tog sy is veilig! Ek kom gisteraand amper nie slaap hieroor nie. Maar nou lees ek woorde soos “klaarblyklik” en “het glo”..

jaco

Engelse pers berig sy is vanoggend 2uur iewers in Vanderbijlpark afgelaai. Mense naby het haar hoor huil en haar polisie toe geneem

Dina

Dankie Hemelse Vader!

Ina

Amen Amen Amen