ANC gaan voort met aanklag teen Steve

Steve Hofmeyr (Foto: Janie Monsieur/Maroela Media)

Die ANC het Sondag gesê hy sal vandag voortgaan om die strafregtelike aanklagte teen Steve Hofmeyr aanhangig te maak wat die party verlede week onderneem het om te doen.

Pule Mabe, nasionale woordvoerder van die ANC, sê ʼn aanklag van crimen injuria sal vandag om 13:00 by die Johannesburg-polisiestasie aanhangig gemaak word. “Hierdie aanklagte sal ʼn sterk boodskap stuur dat daar geen plek vir rassiste in ons demokratiese samelewing is nie,” het Mabe gesê.

Die aanklagte volg op Hofmeyr se twiets in reaksie op ʼn tirade wat Zindzi Mandela-Hlongwane, Suid-Afrika se ambassadeur in Denemarke, op Twitter afgesteek het. Mandela het in ʼn reeks verdelende twiets onder die hutsmerk #OurLand teen wit mense uitgevaar en onder meer na wit mense verwys as lafaards en stelende verkragter-afstammelinge van Jan van Riebeeck.

Steve Hofmeyr het Dinsdag (18 Junie 2019) dié twiet op Twitter geplaas. (Skermskoot: Twitter)

Intussen het DA-LP Phumzile van Damme, nadat sy die Waterfront besoek het, haar ook tot Twitter gewend en geskryf oor ʼn rassistiese voorval wat sy daar beleef het.

Hofmeyr het later aan Mandela en Van Damme getwiet dat hy ʼn Suid-Afrikaanse belastingbetaler is en dus in werklikheid hulle “baas is”.

“Julle SAL spring wanneer ek so sê en julle SAL vra hoe hoog. En wanneer julle kom om ons lewe en grond te vat, SAL julle doodgaan. Ons kontrak is so eenvoudig soos dit. En moet dit nie vergeet nie,” het hy getwiet.

Volgens Mabe sien die ANC dié twiet as ʼn doodsdreigement en een van Hofmeyr se “onmenslike tirades op sosiale media wat getuig van barbaarsheid, wit heerskappy en giftige manlikheid”.

Pule Mabe, ANC-woordvoerder. Foto: Facebook

“Sy reeks sosialemediaplasings is minagtend teenoor Mandela-Hlongwane en Van Damme en hunker terug na die kru apartheidverlede – en dit is iets wat geen Suid-Afrikaner behoort te duld nie. Na ons mening is dit aanduidend van wit arrogansie en by uitstek ʼn kenmerkende voorbeeld van wit bevoorregting wat in die kiem gesmoor moet word,” het hy gesê.

Hofmeyr het op sy beurt gesê hy het gereageer soos enige landsburger moet. Hy meen die politieke leierskap se houding teenoor wit belastingbetalende burgers “is presies die paspoort wat misdadigers nodig het om te breek, te betree en dood te maak en te vat soos hulle wil en waarom ons die mees ongelukkige en verdeelde land in die wêreld is”.

Volgens Hofmeyr wil staatsamptenare nie dien nie, maar gedien word. “Hulle maak ʼn groot fout as hulle dink dit is waarvoor ons belasting betaal. Die res van my twiet is maar ʼn aanspraak op selfverdediging en my belofte om my gesin tot die dood te verdedig teen enige moordenaar of gronddief wat oor my heining klim.”

Verlede week het die minister van internasionale betrekkinge, Naledi Pandor, gesê sy het Mandela oor die twiets aangespreek. “Ek het vir haar gesê sy is ʼn diplomaat en ek verwag diplomatiese optrede van haar,” het Pandor gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

83 Kommentare

jongste oudste gewildste
Ian

Dis miskien goed dat hierdie ding na ‘n punt gedryf word. Sou hy skuldig bevind word skep dit ‘n goeie regspresedent waarmee die Malemas en Mngxitamas in die toekoms aangevat kan word vir hulle haatspraak. Word hy onskuldig bevind, trek dit ‘n bruikbare streep in die sand as maatstaf van die begrensing van haatspraak in die naam van vryheid van spraak/opinie.

James

Well hy gaan nie op fingers getil raak soos van n minister nie. Verkeerde kleur. Wereens hulle mag se wat hulle wil en ons mag nie eers iets se nie.

Natan

Steve se kommentaar is glad nie rassisties nie, eerder realisties. Om Steve aan te kla en nie die ambassadeur nie dui daarop dat haar uitsprake geduld word en selfverdediging nie. Die ANC/EFF kan maar amptelik verder droom, hul tyd raak min vanweë hul boosheid. Die Kommunistiese handves maak duidelik voorsiening vir selfbeskikking, hoekom gun hulle dit nie vir ons belastingbetalers nie?

Sterkte Steve. Laat jou nie mislei deur Ronald die nar van McDonalds nie.

Swartwolf

Steve hoef nie die aanmerkings te gemaak het nie. Dit was eintlik onnodig. Maar of dit crimen injuria is gaan interressant wees. Dink die ANC gaan 2 de beste hiervan afkom. Dan gaan baie vir hulle lag. Wonder wanneer gaan Ace hof toe oor “Gangster State”? Hy is al hoeveel keer openlik uitgedaag.

sweis

Ek kyk na n vidio die naweek van de klerk en hernus kriel waar hulle sê vertrou ons ons gaan onderhandel sodat niemand verdruk of teen gediskrimineer word nie,die nar nou se hy niks ,hierdie is niks anders as n mages vertoon nie die mandela vrou word net oor die vingers getik en Steve word sy reg van vryheid van spraak geweier.