ANC se haas oor grondonteiening is ‘verkiesingstegniek’, sê DA

land-lugfoto-grond-landbou

Foto: Magda Ehlers/Pexels.com

Die ANC se “kunsmatige kommernis” oor grondhervorming neem met elke verkiesingsiklus toe en die party gebruik grondonteiening nou as ʼn verkiesingstegniek, het die Demokratiese Alliansie Sondag gesê.

Die DA neem kennis die kabinet het die nuwe Wetsontwerp oor Grondonteiening, wat vandeesweek in die Staatskoerant gepubliseer sal word en gevolg word deur ʼn 60 dae kommentaarperiode, goedgekeur.

“Die ANC se kunsmatige kommernis neem dramaties toe met elke verkiesingsiklus. Om dié wysigings te stoomroller, is tot nadeel van Suid-Afrikaners, omdat dié wetsontwerp verreikende gevolge en alle besluite daar rondom moet sorgvuldig en noukeurig gedoen word,” het Thandeka Mbabama, woordvoerder vir die DA, gesê.

“Die DA is ook besorg dat die onsuksesvolle ANC onteiening as ʼn verkiesingstegniek gebruik. Dit is gebaseer op bewyse wat die ANC self tydens vorige verkiesings gelewer het – hulle het dieselfde gedoen met die Wet op Herstel van Grondregte wat net voor die verkiesing in 2014 gestoomroller is. Die dringendheid oor hierdie wetsontwerp is heeltemal arbitrêr.”

Die proses om artikel 25 van die Grondwet te wysig om onteiening sonder vergoeding moontlik te maak, duur voort en daar is geen objektiewe rede waarom die proses versnel moet word of waarom die parlement nie die voorgestelde grondwetlike wysigings kon oorweeg voor die wetsontwerp goedgekeur is nie. “Dit is suiwer politieke stoomrollery,” het sy gesê.

Sy het bygevoeg die DA wil hê Suid-Afrikaners moet hul grond en eiendom besit in ʼn Suid-Afrika waar swart mense vantevore van grondeienaarskap ontneem is. “Ons hoef nie die Grondwet te verander om dié probleem te takel nie, ons het aksie van die regering nodig. Wat ons beslis nie nodig het nie, is die EFF se plan dat die regering alle eiendom en grond moet besit waar inwoners gedwing sal word om lewenslank hul grond en huise by die regering moet huur.

Die DA glo mense moet hul grond besit, omdat hulle die beste weet hoe om die grond te verwerk. “Kom ons bring grondhervorming waar mense grondeienaars is, nie lewenslange huurders nie. Kom ons maak seker dat hierdie proses reg plaasvind en nie versnel word as ʼn verkiesingstegniek om stemme te werf nie. Ons sukses in die Wes-Kaap het gewys dat ons ernstig is oor grondhervorming en dit kan binne die bestaande grondwetlike raamwerk plaasvind,” het Mbabama gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

44 Kommentare

jongste oudste gewildste
Anoniem

Dit sal ook die einde van Leiers beteken want Mugabe is ‘n sprekende voorbeeld van waar gebede verhoor is en God ‘n einde aan Sy GROND-MAGS- BEHEPTHEID gemaak het en Hom ‘n oud en afgeleefde OUMAN gelaat het wat net gepla is oor Sy pensioen ! Sy mense verhoudings is 0 want 3 miljoen van Sy Landsgenote werk buite die Landsgrense van Zimbabwe ! Suid-Afrika loop vinnig dieselfde pad met die ANC aan bewind met die EFF wat soos ‘n irriterende, blaffende hondjie te kere gaan en Sy Leier wat nou geskrik het TOE Sy WOONPLEK ontbloot IS (ook maar… Lees meer »

Irma

Ek onderskat die ANC gladnie. Hulle haas tov grondonteining sonder vergoeding kan net so maklik die kans wees wat hulle nodig het om hul doel te bereik. Hulle motiewe is nie so duidelikas wat hulle voorgee nie. Onthou wie is hulle en wat is die belangrikste vir hulle. Die predident wat tans daar is het ook maar paar ideës wat onskadelik lyk maar moontlik goed inpas by ‘n vorige ideë van hom om die pot stadig warm te maak.

DA BO

As ek n boer was het ek my gewig by die DA gegooi. Hulle het suksesse om op te roem in die kaap.

humor

Soos z lank gelede al gese het die anc is belangriker as die land. Die land kan maar ten gronde gaan solank die anc net tot in die ewigheid kan regeer. Maak nie saak nie op watter eerlose en korrupte wyse dit beryk word nie.

Ampie

Verkiesingstegniek of nie. Die feit is hul gaan ons grond vat. Ek glo nie almal besef wat wag vir ons.