Bakleiery by spogskool veroordeel

Die groep leerders probeer die bakleiery opbreek (Foto: Skermskoot)

Verskeie gr. 12-leerders van die Parktown Boys’ High School in Johannesburg is geskors nadat ʼn video aan die lig gekom het van ʼn gewelddadige bakleiery by die skool.

Die voorval het na bewering Donderdagmiddag by die skool se snoepie plaasgevind.

In die video kan gesien word hoe ʼn seun ʼn ander leerder gryp voordat ʼn ander groep leerders ingryp.

Dit wys ook hoe die leerder die ander een gryp en ʼn klap gee, voordat hy hom heeltemal oorrompel. Die seun val op die grond, waarna die ander leerder hom herhaaldelik teen die kop skop.

Die video het sedertdien soos ʼn veldbrand op sosiale media versprei.

Die betrokke leerders is reeds geskors. Dit is nie duidelik waaroor die bakleiery gegaan het nie.

Panyaza Lesufi, LUR vir onderwys in Gauteng, het die voorval veroordeel.

“Dit is uiters swak dissipline wat hierdie leerders getoon het en leerders word versoek om nie so op te tree nie,” sê Lesufi.

“Ons sal nie sulke gewelddadige gedrag in ons skole duld nie. Leerders moet op hul skoolwerk fokus en as iets hulle pla, moet hulle dit onder hul opvoeders of skoolhoofde se aandag bring – pleks  daarvan om sake in eie hande te neem.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
Joggie

Lesufi moet nie in onderwys departement geduld word nie!

Werner

As ek so na die foto kyk is dit n swarte wat n witte aanrand.As dit nou omgekeer was was die skool al afgebrand.

Jessey

Nou wat het geword van “In an apparent racial incident”, ek kan net die foto op Maroela sien, maar dit lyk vir my na 2 kinders van verskillende rassegroepe, en die wit kind is die een wat geskop word. Die reels/ verslaggewing moet mos albei kante toe geld?

Misky

Ek kry al ‘n kramp as ek lees hulle “veroordeel” alles. En dis ook waar dit bly….. by woorde en geen daadwerklike dade of aandag verder nie.

Johan

As ek na die foto kyk wil dit voorkom of dit n rasse voorval is. Swart kinders wat n enkele wit kind aanrand. Draai gou die prentjie om en die skool word af gebrand.