Bejaarde met middel ingespuit, vasgebind en beroof

Argieffoto

ʼn Bejaarde vrou van Springs in Gauteng is van ʼn groot bedrag geld beroof nadat sy in haar huis oorval en met ʼn onbekende middel ingespuit is.

Kapt. Thivhulawi Tshilate, polisiewoordvoerder, het gesê die voorval het Dinsdagaand omstreeks 21:30 in Snymanlaan plaasgevind.

“Die 75-jarige vrou is in haar blyplek deur onbekende verdagtes oorval wat haar met ʼn middel ingespuit het. Hulle het haar met ʼn tou vasgebind, waarna sy haar bewussyn verloor en hulle haar op haar bed neergelê het,” het Tshilate gesê.

Die verdagtes het die vrou se huis geplunder en met ʼn groot bedrag geld gevlug. “Die vrou het die geld uit ʼn belegging getrek om ʼn huis kontant te koop nadat sy haar vorige huis verkoop het. Sy was alleen tydens die voorval. ʼn Jong Zimbabwiese vrou wat by haar gebly het, was nie daardie aand by die huis nie.”

Die Springs-polisie ondersoek ʼn saak van huisroof. Niemand is nog in verband met die voorval in hegtenis geneem nie.

Genl.maj. Girly Mumsy Mbele, bevelvoerder van die Ekurhuleni-Oos-polisiëringsgebied het inwoners gewaarsku om nie groot bedrae geld te onttrek en by hul huise te hou nie.

Enigiemand met enige inligting rakende die voorval, word versoek om hul naaste polisiestasie te kontak of Crime Stop by 08600 10111 te skakel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

30 Kommentare

jongste oudste gewildste
gawie

Genade hierdie diewe raak nou gesofistikeerd. Hulle dien nou narkose toe sodat hulle rustig kan plunder. As dit nie so ernstig was nie sou mens kon lag.

Annie

Inside job

Lee

Defnitief inside job!!

vytjie

Defnislis inside job

Lollie

Ja nee, waar was die Zim vroutjie spesifiek daardie aand? Wie het geweet die vrou het ń groot bedrag geld by haar? Als so toevallig! !!