Bekende TV- en radio-aanbieder doodgeskiet

Johann Botha. Foto: Reint Dykema

Die televisie- en radio-aanbieder Johann Botha is Woensdagaand tydens ‘n rooftog in Johannesburg doodgeskiet.

Willie Spies, besturende direkteur van Pretoria FM, het aan Maroela Media gesê Botha se agent het sy dood bevestig. “Ons weet nog nie veel van wat gebeur het nie. Al wat ek weet is hy was by die Zebra Inn in Maboneng en hy en die eienaar is tydens ʼn rooftog doodgeskiet. Ons is vanoggend daarvan in kennis gestel,” het Spies gesê.

Botha, ‘n bekende in bewaringskringe en die voormalige uitvoerende regisseur van die natuurprogram 50/50, was sedert die begin van die jaar die aanbieder van Pretoria FM se gewilde Sondagaandprogram Nagmusiek.

Botha was die afgelope tyd ook betrokke by produksies vir M-Net se program Carte Blanche. Hy was ook betrokke by kykNET se Projek Aardwolf en was voorheen‘n programaanbieder op RSG.

“Johann se dood is ‘n reuseverlies vir die land, media en die mense van Suid-Afrika,” het Spies gesê. “Sy dood onderstreep weereens die vlaag van gewelddadige misdaad en rampokkery wat Suid-Afrika tans gevange hou.”

Die polisie het die voorval bevestig en gesê sake van moord en sakeroof word ondersoek. Niemand is al in hegtenis geneem in verband met die voorval nie.

Lees ook: 
 Polisie skets prentjie oor Johann Botha se skietdood
Johann Botha: ‘Só sal ons hom onthou’

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

106 Kommentare

jongste oudste gewildste
al

Dis tragies!! En dit als oor ñ onbevoegde regering wat al die justisie en polisie departemente lam lê, wat die misdadigers wreedaardig en vol misdaad hul bose dade uitvoer met die wete die oog is op ñ ander bal naamlik staatskaping.

Ai

Sjoe ek het nie geweet wie hy is nie maar my medelye aan sy familie en vriende.

Baie tragies, dis omtrent n verlies.
Rus in vrede. ?

Landie

Wat ‘n pragtige storie vir mnr Zuma om te vertel vir die wereld!!! Wonderlike mense word doodgeskiet vir niks. Dit is so hartseer dat so ‘n goeie mens so onnodig moes sterf.

Marietjie

No ‘n sinnelose moord!!!! Gaan dit ooit eindig!!!

Michele

Rus in vrede :-(