Argieffoto (Foto: Mujahid Safodien/AFP)
Met Eskom se voortslepende kragvoorsieningsprobleme en ʼn ineenstorting van die kragnetwerk wat ʼn immer teenwoordige bedreiging is, eis die DA nou ʼn gebeurlikheidsplan indien die ergste gebeur.
Die DA het ʼn beroep op Nkosazana Dlamini Zuma, minister van samewerkende regering en tradisionele sake (Cogta), gedoen om ʼn kennisgewing uit te reik wat die nasionale rampbestuursentrum en sy provinsiale eweknieë op ʼn gereedheidsgrondslag plaas, sou die kragnetwerk heeltemal ineenstort.
Cilliers Brink, die DA se woordvoerder oor samewerkende regering en tradisionele sake, sê die waarskuwing moet besonderhede bevat oor die vlak van paraatheid wat nodig is om noodsaaklike dienste aan die gang te hou indien die netwerk ineenstort.
“Die plan moet leiding aan staatsdepartemente en munisipaliteite gee oor wat gedoen moet word om dienste soos die waternetwerk, afvalbestuur, gesondheid- en onderwysfasiliteite aan die gang te hou,” sê hy.
“Vooraf voorbereiding vir ʼn nasionale ineenstorting is ʼn verantwoordelike ding om te doen, veral nadat Eskom aangedui het dat ʼn algehele ineenstorting van die nasionale netwerk ʼn onvoorsiene gebeurtenis sal wees, waarvoor die stelseloperateur nie vooraf waarskuwing sal kan gee nie.”
Eskom het Donderdag aangekondig dat opknappingswerk aan eenheid een van Afrika se enigste kernkragsentrale, Koeberg, eers Saterdag sal begin om die kragnetwerk kans te gee om te stabiliseer.
Die opknappingswerk aan die eenheid sal na verwagting ses maande lank duur, wat beteken dat daar selfs minder kragkapasiteit beskikbaar sal wees.
Alan Winde, Wes-Kaapse premier, het reeds gebeurlikheidsplanne aangekondig om noodsaaklike dienste operasioneel te hou tydens ʼn werklik ernstige ineenstorting.
ʼn Sleutelaanbeveling in Winde se gebeurlikheidsplan is dat departemente en munisipaliteite voortdurend hul gereedheid en risiko’s beoordeel. Departemente het hul sakevoortsettingsplanne geaktiveer om dienste op koers te hou en plaaslike regerings in die provinsie, wat ook gereedheidsplanne het, is aangemoedig om dieselfde te doen.
“Soortgelyk aan die Wes-Kaap se provinsiale gebeurlikheidsplan, moet die nasionale weergawe verseker dat voldoende diesel in voorraad gehou word om gesondheidsfasiliteite, grootmaatwatervoorsiening en vasteafvalbestuurfasiliteite te bedryf,” sê Brink.
“Die DA is terdeë bewus daarvan dat ʼn totale ineenstorting van die netwerk vernietigend vir die ekonomie en lewensbestaan van ons burgers sal wees. Dit is presies hoekom ons van mening is dat alle beskikbare opsies ondersoek moet word om ʼn nasionale ineenstorting te vermy.”
Hulle sal VINNIG hierdie plan in werking moet stel, ons is feitlik klaar daar! Hulle moes al 2 jaar terug aandag gegee het aan die voorlegging wat De Ruiter verskaf het aan die Parlement vir goedkeuring en TOT NOU TOE nie nie geteken is nie.Die korrupte ANC regering is alleen verantwoordelik vir HIERDIE gemors, PUNT!
Verstaan hierdie kaders wat ‘n gebeurlikheidsplan is???
Ons gaan heel moontlik nie hierdie krag probleem oplos voor daar nie ‘n algehele ineenstorting is nie. Net dan gaan die ANC kaders besef watse gemors hulle aangejaag het vir jare. Of gaan hulle?
Dink jy hul sal dit verstaan i doubt it
… en dan is daar sy edele prins Zuma wat wag om die toutjies te trek… Gaan hy terwyl die ander kaders so uitglip uit die hoof se kantoor alleen wag vir die rottang? Die brandweer en weermag kan ok maar hul skoene solank polish en sorg dat die manne nie te veel ‘koffie’ drink nie want as daai rooi foon lui, gaan die ekstra vakansiedag nie help ie.
As dit van Kopdoek afhang is die eerste ding wat sy sal doen in so ‘n situasie, in om sigarette en drank se verkope te verbied.
DA het julle nie agter gekom dat die huidige regering geen ramp kan bestuur nie! Het COVID en die inperking julle niks geleer nie?
Ek dink dit is nou tyd om te emigreer. Die land gaan heeltemal ineenstort
Dis vd elites
Dit begin stadig orals so raak. Die wereldwye patroon is polities gemotifeerd.
Kom dommies gebruik julle klein breins nou moet julle spring
As julle van haar ‘n antwoord eis, gaan die ligte afwees en jul gaan nog steeds geen antwoord kry nie
Ja DA, hoekom trek jul dit nie sommer weer van ons krag rekening af nie, dis mos wat jul gedoen het met die droogte, ‘n “fooi” afgetrek elke maand vir water en sommer ‘n “fooi” vir krag ook. En ons betaal dit nou nog elke maand. So maak dit sommer nog ‘n fooi. Klomp skelms!
Totale donkerte gedompel sal na twee weke beteken geen water in krane, toilette wat gespoel kan word nie, geen brandstof, internet, banksake, sekeriteit stelsels wat werk, geplunderde winkels, huise en besighede. Dit kan tot n’ totale anargie lei. Veral plekke soos Gauteng waar byna 10miljoen mense bly.