Eskom se hoof bedank

Argieffoto

Phakamani Hadebe, Eskom se uitvoerende hoof, het bedank. Hy sal sy pos aan die einde van Julie ontruim.

Hadebe is net ʼn jaar gelede in die pos aangestel.

Jabu Mabuza, voorsitter van Eskom se raad, het gesê Hadebe het ʼn belangrike rol gespeel om bestendigheid in ʼn onstuimige tydperk by Eskom te help bewerkstellig.

“Ons het geleer om staat te maak op sy krag om die soort transformasie te bewerkstellig wat Suid-Afrika van ons instelling verwag. Ons besef watter tol dit van ʼn mens eis en daarom moet ons, met spyt, sy besluit aanvaar,” het Mabuza in ʼn verklaring gesê.

Hadebe het gesê dit is geen geheim dat die posisie ongelooflike eise stel nie.

“Dit het ongelukkig ʼn negatiewe uitwerking op my gesondheid gehad. In die beste belang van Eskom én my gesin het ek dus besluit om te bedank.”

“Dit was ʼn voorreg om Suid-Afrikaners as die uitvoerende groephoof van Eskom te dien,” het Hadebe gesê.

“Ek is geëerd en dankbaar dat ek ʼn bydrae kon lewer tot die stabiliteit van ʼn organisasie wat ʼn geweldig belangrike rol in ons ekonomie speel.”

Hy het ook Eskom se raad en werkers by die kragvoorsiener bedank vir hulle steun gedurende sy termyn as hoof.

Hadebe het die bestuur van Eskom oorgeneem by ʼn rits omstrede voorgangers, onder wie Brian Molefe, Matshela Koko en Sean Maritz.

Sy bedanking kan volgens berigte leierskapbestendigheid by die organisasie nou wéér in die gedrang bring.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

36 Kommentare

jongste oudste gewildste
Johan

Escom se transformasie (wat Suid-Afrika glo nodig het) was om van ervare mense ontslae te raak oor hulle velkleur. Toe vou Escom amper in die medium termyn. Is dit werklik die transformasie wat Suid-Afrika nodig het?
Nou word die uitvoerende hoof daarvoor bedank?
Agge nee!

Ben Potgieter

Wanneer die woord transformasie genoem word beteken dit gewoonlik van iets word nlks gemaak.Glo eerder rot verlaat sinkende skip.

CHAPPIES

HALLE LU YAH tog!!!

Elsa

“En so val die helde”

Saint

Enigste transformasie wat RSA wil hê is n volhoudende KRAGVOORSIENING.

Wanneer dit ook al bereik word, dan kan ons moontlik versigtig na ander vorms van transformasie kyk .