Twee Springbok-rugbyspelers het die afgelope naweek hul tokse vir trouskoene verruil.
Springbokslot Eben Etzebeth en die Getroud met rugby-aktrise en sangeres, Anlia van Rensburg, het by die La Paris-landgoed trou aan mekaar beloof, terwyl die Springbok-vaskopstut Frans Malherbe met Ingrid van Huyssteen in Stellenbosch getrou het.
Eben is verlede week ook as die Suid-Afrikaanse Rugby-unie (Saru) se speler van die jaar aangewys.
Die 31-jarige Eben het in Junie 2022 sy verlowing aan Anlia op sosiale media aangekondig.
Die nuwe Etzebeth-egpaar het in Julie 2022 ook harte geroer toe Anlia die volkslied tydens Eben se 100ste wedstryd vir die Springbokke gesing het.
Springbokkaptein Siya Kolisi het kort voor die troues ʼn foto van hom en sy twee spanmaats op Instagram gedeel. “Gaan vandag kapel toe vir my twee bradas! Wat ’n reis was dit nie. Sien uit daarna om saam met julle te vier!”
Luidens mediaberigte sou die twee voorspelers aanlyn by mekaar se onthale inskakel.
Siya het ook ʼn video gedeel waar hy tydens die Etzebeth-bruilof sy litte op Mango Groove se bekende lied, “Special star”, losmaak.
Gelukwense het ook vir die Malherbes ingestroom, met Siya se vrou, Rachel, sowel as Cheslin Colbe se vrou, Layla, wat die nuwe egpaar op Instagram geluk gewens het.
Die 31-jarige Frans en Ingrid het hul verlowing in Julie 2022 bekendgemaak. Sy het ʼn foto van die egpaar op sosiale media gedeel met die byskrif: “Getroud aan [sic] my bestie.”
Baie geluk aan albei die paartjies
Sal wonder wie die apie is wat ‘n hartseer gesiggie wys
“Excellent” Etzebeth
Almal sulke PRAGTIGE mense. Ons is saam met julle bly. Baie geluk aan jul almal!
Baie geluk. Dis Cheslin Kolbe Maroela.
Saru (anc) troue.