Geen plek vir Afrikaans by universiteite – Nzimande

stellenbosch

Universiteit Stellenbosch

“Ons kan nie toelaat dat Afrikaans as ’n middel van uitsluiting en verdrukking gebruik word nie.”

Só het dr. Blade Nzimande, minister van hoër onderwys en opleiding, wetenskap en tegnologie, Dinsdag in ’n verklaring gesê. Hy het gereageer op die Konstitusionele Hof se beslissing verlede week dat die Universiteit Stellenbosch (US) se taalbeleid van 2016 grondwetlik geregverdig is. Die US se 2016-beleid gee voorkeur aan Engels as onderrigtaal, terwyl klasse in Afrikaans aangebied sal word indien dit redelik en prakties uitvoerbaar is.

Nzimande het dié uitspraak verwelkom.

“Hoewel Afrikaans een van net drie tale ter wêreld is wat gedurende die afgelope eeu die status van akademiese taal verwerf het, kan ons dit nie gebruik as ’n manier om die rassistiese agenda van Afrikanernasionaliste te bevorder, soos die geval was onder apartheid nie,” het Nzimande gesê.

blade-nzimande

Blade Nzimande. Foto: Flickr/GovernmentZA

Hy sê die hof se beslissing sal die uitkomste van die hersiene Taalbeleid van Hoër Onderwys beïnvloed. Dié beleid is na die Raad op Hoër Onderwys verwys vir insette voor dit gefinaliseer word.

Die doel van hierdie beleid, sê Nzimande, is om ’n raamwerk te verskaf waarvolgens al 11 amptelike tale ontwikkel en versterk kan word. “Die fokus sal veral wees op die ontwikkeling van Afrikatale as tale van leer, navorsing en kommunikasie aan universiteite.”

Die SA Akademie vir Wetenskap en Kuns het hom Dinsdag sterk uitgespreek teen Nzimande se uitlatings.

“Die SA Akademie distansieer hom met groot nadruk van dr. Blade Nzimande se uitgediende stereotipering van die Afrikaanse taalgemeenskap,” lui sy verklaring.

“Om stééds in 2019 te wil argumenteer dat die gebruik van Afrikaans, ’n inheemse taal wat ten volle ontwikkel het as ’n akademiese en wetenskaptaal, ’n middel is om “’n bekrompe en rassistiese Afrikanernasionalistiese agenda na te streef soos in apartheid” is nie net ’n belediging vir ons taalgemeenskap nie, maar ’n powere poging om politieke munt te slaan uit die Konstitusionele Hof se uitspraak oor Universiteit Stellenbosch se taalbeleid,” sê prof. Anne-Marie Beukes, hoof- uitvoerende beampte van die SA Akademie.

Die SA Akademie is bekommerd dat die minister die hofuitspraak as “’n oorwinning” oor ’n vermeende Afrikaanse hegemonie beskou. “Ons wys egter graag die minister daarop dat die hegemonie van Afrikaans wat 30 jaar gelede in die tagtigerjare in die hoër onderwys bestaan het, nou vervang is met ’n Engelse hegemonie, ten koste van ons inheemse tale. Afrikaans is tot onlangs slegs op enkele universiteitskampusse saam met ander tale gebruik,” sê Beukes.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

55 Kommentare

jongste oudste gewildste
Michael P

Geagte Dr Blade waar kom jou Dr’s graad vandaan Het jy ook jou graad gekry waar Pallo Jordan syne gekry het?

Anel

Kan net nie verstaan hoekom daar 3 engelse universiteite in een dorp moet wees nie.
Hoeveel het nzimande bygedra tot enige een van hulle in elke geval.

Renee

Ja nee nzimande maar GOD slaap nie………………

LANA

Blade, jou uitlatings is glad nie so skerp soos jou naam nie.

Koos de Meyer.

Die Bybel sê, antwoord ‘n dwaas nie in sy sotheid nie.