Huidige en gewese inwoners van Gqeberha het Woensdag hul Vrouedag op ʼn hartseer noot begin toe die nuus hulle bereik het dat ʼn geliefde fisioterapeut van die gebied in haar huis doodgesteek is.
Hoewel die polisie nog nie die oorledene se identiteit amptelik bevestig het nie, het medelye op sosiale media vir die oorledene, Marolien Schmidt, ingestroom.
Kapt. Sandra Janse van Rensburg, polisiewoordvoerder, sê die 40-jarige vrou se bure in Sherlockstraat, Richmond Hill, het in die vroeë oggendure van Vrouedag gehoor hoe sy skree nadat glas gebreek het.
“Hulle het onmiddellik gereageer, maar haar op die vloer [van haar huis] met verskeie steekwonde aangetref,” sê Janse van Rensburg.
“Sy is na ʼn hospitaal geneem, maar het by die hospitaal aan haar beserings beswyk.”
Voorlopige ondersoeke dui daarop dat ʼn verdagte by die slagoffer se huis ingebreek het deur ʼn kantvenster te breek.
Dit is nog in hierdie stadium onbekend of enigiets in die aanval gebuit is.
Die polisie ondersoek intussen ʼn saak van moord.
Janse van Rensburg sê die slagoffer se identiteit is nog nie bevestig nie, aangesien sy eers formeel deur familie geïdentifiseer moet word.
Die nuus van haar dood het egter skokgolwe deur die gemeenskap gestuur, en sosialemediagebruikers was vinnig om Schmidt as die slagoffer te identifiseer.
Verskeie sosialemediagebruikers het in hul huldeblyk aan die “ystervrou” gesê dat sy alombekend was as die “pienk fisio”.
ʼn Facebookgroep vir inwoners van Richmond Hill het Schmidt as ʼn uitstekende fisioterapeut beskryf, ʼn diereliefhebber en ondersteuner van siekes.
“Haar skerp sin vir humor, haar sterk vriende- en familiebande en haar vasberadenheid om Covid te oorkom (en weer aan die Iron Man-kompetisie deel te neem) asook haar toewyding tot al die sportdissiplines waaraan sy deelgeneem het, sal altyd onthou word.”
Die gemeenskap beplan om vanaand om 19:00 ʼn oomblik van stilte voor Schmidt se huis te hou om haar lewe te vier.
Nog n onskuldige sterf….sal dit dan nooit ophou nie
Nee dit gaan nooit ophou nie, dit word dan aangehits…. maar dis mos nie haatspraak nie.
Hoekom hoekom hoekom
Daar was seker nie ‘n interdik teen die aanvaller nie want sonder dit mag almal doen wat hulle wil.
Want daar word liedere tot die tipe optrede gesing.
Dis skokkend. PE is deesdae meer in die nuus vir misdaad as amper enige ander stad in SA.
Liewe hemel, waarom nou die dame dood maak!!!!
Tragies RIV…….die boosheid van die mens….mag dit nie ongestraf bly nie
Wat kan ons doen om dit te stop, geen hulp vd regering af nie.
Baie sleg waar gaan ons heen
RIV. Wat gaan aan in die mooi land van ons!!
Alhoewel dit onaanvaardbaar is, moet almal die strengste veiligheidsmaatreëls toepas. Daar is nie ‘n keuse nie as jy jouself wil beveilig!!!!. Asb liewe SuidAfrikaners, moenie dat die gewelddadigers julle onskuldige lewens neem nie!!!!!