Jong Pta-man langs pad met mes aangeval

Paramedici op die toneel. Foto: Verskaf

ʼn Jong man is Donderdagmiddag in die ooste van Pretoria met ʼn mes gesteek en beroof.

Werner Vermaak, woordvoerder van ER24, het gesê die voorval het omstreeks 13:20 in De Villebois Mareuillestraat in Moreletapark plaasgevind.

“Die man is aan die kant van die pad aangetref. Hy het aan paramedici verduidelik hy het langs die pad gestap toe ʼn voertuig met ʼn onbekende hoeveelheid mans skielik langs hom stilgehou het,” het Vermaak gesê. “Die mans het uit die motor gespring, hom beroof en met ʼn mes gesteek.”

Die man het steekwonde aan sy nek en skouer opgedoen. Hy is op die toneel gestabiliseer en na ʼn nabygeleë hospitaal geneem vir verdere behandeling.

Kapt. Ilze Jones, woordvoerder van die Garsfontein-polisie, kon nie Vrydag meer besonderhede oor die voorval bekendmaak nie. “Die saak is nog nie by die Garsfontein-polisie aanhangig gemaak nie, maar dit mag wees weens die slagoffer se mediese toestand. Ons sal egter die voorval ondersoek en die man se verklaring in die hospitaal gaan afneem sodra hy daartoe in staat is,” het Jones aan Maroela Media gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

24 Kommentare

jongste oudste gewildste
Pieter

Ons bly nou in Pole en kom November maand SA toe op vakansie maar dit le soos n berg voor my as ek elke dag lees wat in die land aangaan.Het nooit gedink ek sal eendag BANG wees om na my eie land terug te kom nie.

olie

Dit breek my sielkundig af, ek wil verrrrrrrrrrrrr weghardloop. Mense wat moet ons doen, skande, skande, skande.

olie

Pieter ek stem, dis erg.

wynand

Pieter, gaan hou eerder vakansie in ‘n ander land. Niemand is meer veilig hier nie. En dit is nie ‘n manier om jou vakansie te geniet en nog so bie geld ook te spandeer nie. Gaan na Australie waar die weer ook mooi en waar julle veilig sal wees.

Michael

Ek het dit al baie gese mense doen aan jou wat jy hulle toelaat