Kaapstad-waterkrisis: ‘Beurtwater ʼn onverwagse skok’

Patricia de Lille, burgemeester van Kaapstad

Patricia de Lille, burgemeester van Kaapstad, het Vrydag aangekondig dat beurtwater die stad se voorland is.

De Lille het gesê die drastiese stap is nodig aangesien daar eers in April volgende jaar verligting kan kom wanneer noodplanne in werking tree.

Dr. Corné Mulder, die VF Plus se hoofsweep en provinsiale leier van die Wes-Kaap, het gesê dié stap is ʼn onverwagse skok en gaan elke inwoner van die stad swaar tref.

“Luidens die aankondiging sal water na sekere woongebiede sonder vooraf waarskuwing afgesny word en mense in hoogliggende gebiede bykomende probleme ervaar weens verlaagde waterdruk. Daar sal ook geen rooster wees om mense vooraf te waarsku nie,” het hy gesê.

Volgens Mulder is dit wel so dat die Kaap onder ʼn knellende droogte gebuk gaan, maar die noodplanne wat die stad nou wil deurvoer, is ʼn bewys dat die burgemeester nie oop kaarte met die stad se inwoners gespeel het oor die ware omvang van die krisis nie.

“Die aankondiging is boonop vaag en laat talle vrae ontstaan, soos hoeveel buurte op ʼn slag geraak kan word, hoe lank die afsluitings sal duur, hoe beplan is om plekke soos skole, hospitale en nywerhede aan die gang te hou, en vele meer.

“Dit is verder insiggewend dat in die verklaring gesê word die situasie kan teen Maart of April aanstaande jaar verbeter wanneer noodplanne soos ontsouting en die sink van boorgate die metropool se watervoorraad kan aanvul.”

Hy het gesê dit is niks anders nie as ʼn skokkende erkenning dié dat dinge wel lank reeds gedoen kon gewees het, maar dat hoegenaamd geen noodplan of voorsorgmaatreël getref is nie en dat die burgemeester nie ag geslaan het op talle waarskuwings oor die dreigende krisis nie.

“Wat nou gebeur het, sal op vele vlakke rampspoedige gevolge vir die streek inhou. Ook wat menselyding betref. Die VF Plus doen nogtans ʼn beroep op die stad se inwoners om hande te vat en saam te staan om hierdie ongekende krisis die hoof te bied. Ons doen ook ʼn beroep op die burgemeester om voortaan oop kaarte met die publiek te speel oor die omvang van die krisis, en presies hoe dit die metropool se inwoners gaan raak,” het hy bygevoeg.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

47 Kommentare

jongste oudste gewildste
Ashley

Ongelooflik hoe enige Staat en Land so iets kan regverdig en instel. Pateties.

Andre Botha

Dit gaan rêrig my verstand te bowe dat dit na al die waarskuwings nou nog steeds as n skok gesien word as sulke stappe geneem word

Sip

Die verval van maklik onderhoudbare infrastruktuur is die ware identiteit van swart leierskap…

Frikkie (Nie pienk)

In 2008 het Eksdom met beurtkrag begin. ‘n Wetenskaplike van die WNNR het toe reeds die regering gewaarsku dat water ‘n groter probleem as die krag gaan wees, indien hul nie drasties iets begin doen om ons watervoorraad te beskerm nie. En toe word hy summier ge-“fire”.

Pietie

Die agbare burgemeester en haar raad kan regtens verantwoordelik gehou word vir nalatige beplanning en menslike lyding as gevolg daarvan. Die agteruitganig van ons watervoorraad is reeds jare bekend. Koebaai vir die DA. Die VF+ kry van nou af my ondersteuning.