‘Kennis van gesin’ vas vir moord op ma, twee dogters

Argieffoto

’n 45-jarige man is in hegtenis geneem in verband met die wrede moord op ’n ma (44) en haar twee dogters, onderskeidelik 16 en 22 jaar oud.

Lt.kol. Thulani Zwane, polisiewoordvoerder, het aan Maroela Media bevestig dat die polisie onverpoosd gewerk het en die beweerde moordenaar, ’n man wat baie goed bekend is aan die gesin, in verband met die voorval nagespoor en in hegtenis geneem het.

Maroela Media het vroeër berig hul liggame is Vrydagoggend in hul woonstel in Phoenix aangetref.

Zwane het gesê die vrou se man het glo omstreeks 07:30 by sy woonstel in Tashmeer Mansions in Longcroft, Phoenix, opgedaag en aan die deur geklop.

Hy beweer daar was nie antwoord nie. Hy het toe op die balkon geklim, die huis deur ’n agtervenster binnegekom en daarna sy vrou en 16-jarige dogter se liggame aangetref.

“Hulle het geen sigbare beserings getoon nie,” het Zwane gesê.

Die man het toe die polisie in kennis gestel.

“Toe die polisie reeds die twee liggame weggeneem het en besig was om die huis te deursoek het hulle die tweede dogter se lyk in die kas aangetref. Sý het steekwonde gehad,” het Zwane gesê.

Zwane het bygevoeg die bewerings dat die voorval in ’n hotel plaasgevind het, is onwaar.

“Die man wat in hegtenis geneem is word aangekla van drie aanklagte van moord en sal Dinsdag in die Verulam-landdroshof verskyn.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

13 Kommentare

jongste oudste gewildste
leser

waarvoor kan daar nie ook “onverpoosd” aan plaas aanvalle gewerk word nie???????????????

Ruben

Nou waar is al die speurders wat op die vorige berig so die pa veroordeel het met julle ek ruik n rot kommentare…dink net wat moet hierdie arme man deurgaan om sy vrou en kinders daar te gekry het…julle moet gaan bad want julle ruik julle bo lip..sies man

Oujongvrou

Ruben dankie dat jy die spul aanvat. Ek is so siek van my nasie wat net negatiewe goed kan kwytraak. En dit tel vir jou ook leser. Die polisie werk onverpoos ook om plaasmoorde op te los. Ek sien elke dag berigte van skuldigbevindings en vonnisse vir moorde.
My hart bloei vir daai stomme man wie se hele familie uitgewis is. Hoe kom mens oor so iets. Ek sal vir hom bid.

Cherokee

Nou sal die (vet) rotruikers onder ander name ander tipe kommentare plaas.,

Puzzle

As ek by iemand se huis aan kom waarvan ek nie sleutels het nie en ek klop, maar niemand maak oop nie, gaan ek nie deur n venster klim om te kyk of hulle daar is nie. Ek gaan mos later terugkom. Maak nie sin dat hy deur gaan klim het nie. Sekere af dae maak ek nie my deur oop vir ongenooide gaste nie en maak of ek nie by die huis is nie. As hulle oor gaan spring en inklim gaan dit mos inbraak/unlawful entry wees… Storie klink net tè perfek toevallig.