Landdros moet nou besluit oor treinspoordood

Elna-Marie Abbott (Foto: Facebook via Elizma Theron)

ʼn Landdros gaan nou moet besluit of Elna-Marie Abbott (29) wie se onthoofde lyk Vrydag op ʼn treinspoor in Windhoek gekry is, selfmoord gepleeg het.

Die Namibiese koerant Republikein berig die polisie het bevestig die nadoodse ondersoek is afgehandel en dat ʼn moorddossier nie geopen is nie. Die bewysstukke wat ingesamel is, sal nou as deel van ʼn geregtelike doodsondersoek aan ʼn landdros voorgelê word, het adj.komm. Edwin Kanguatjivi, polisiewoordvoerder, gesê.

Dié items sluit in briewe – wat aan familielede gerig is – wat in Abbott se motor gevind is.

“Dit sal die landdros se taak wees om aan die hand van al die bewysstukke te bevind of sy haar eie lewe geneem het,” het Kanguatjivi volgens Republikein gesê.

Abbott is verlede week as vermis aangemeld en haar motor is later, ongeveer 2 km van waar haar liggaam gevind is, opgespoor. Dit is geparkeer in die gebied van Ausspannplatz in ʼn parkeerterrein van Merensky Towers. Sy het glo haar motorsleutels by die ontvangs van Merensky Towers ingehandig en aan die ontvangsdame gesê ʼn man van Suid-Afrika sou later haar motor kom haal.

Speurders het haar motor deursoek en persoonlike besittings, waaronder haar selfoon en drie sakke met klere en nagklere, boeke en grimering, gevind.

Abbott se suster Elzane het aan Republikein gesê haar sussie was “van goud aanmekaargesit”. Sy het haar beskryf as “die sagste, liefste mens”.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

44 Kommentare

jongste oudste gewildste
Anoniem

Wat ‘n hartseer verhaal, sterkte vir die Familie ???

Hettie

NET MY OPINIE !!! Iemand kon haar forseer het om die briewe te skryf sodat dit soos selfmoord moet lyk. Wat van die dreigende boodskappe wat op haar foon gekry is ?

Anoniem

Dis bitter moeilik. Al wat ek kan dink is om n handskrifdeskundige in te roep. O nee dit sal ok nie werk nie…sy kon gedwing wees.
Ai…stel n privaat speurder aan. Ek sou net die waarheid wou weet as haar familie

ELNA MYBURGH

Iets maak nie sin hier nie……. hoekom sal so pragtige, jong mensie so verskriklike selfmoord oorweeg? Dit maak glad nie sin nie…… hier skuil iets anders agter die hele ding.

Roos

Sy was pragtig. Skoonheid het egter niks te make met jou verlies aan die wil om te lewe nie. Het sy maar eerder met iemand gepraat.
As mens so hartseer is, dink jy nie verder nie. Jy kan net nie sien dat daar ‘n toekoms kan wees sonder die verlies wat jy op die oomblik ervaar nie. Al wat oor bly, is om jou eie lewe te neem. So jammer. So onnodig. Dat haar daad tot iemand deurgedring het is gewis. Die “ultimate” straf.