Leeu val 11-jarige aan; gesinslid stoei glo met dier

Brullende leeumannetjie Foto: Marianne Styan

ʼn 11-jarige seun van Lephalale (Ellisras) is in ʼn bedenklike toestand in die hospitaal nadat hy Saterdag deur ʼn leeu aangeval is.

Chris Botha, Netcare911-woordvoerder, het Sondag aan Maroela Media gesê die seun is Saterdagmiddag per helikopter na ʼn hospitaal in Pretoria vervoer nadat hy reeds in Laphelale ʼn operasie ondergaan het.

Hy het erge bytwonde aan sy nek opgedoen.

Volgens berigte het die seun en sy gesin in ʼn huis op die Ellisras-rivieroewer tuisgegaan toe die voorval gebeur het. Een van die gesinslede het glo die leeu van die seun afgestoei waarna die dier gevlug het.

Botha het by navraag aan Maroela Media gesê dit is “waarskynlik dat iemand die leeu van die seun afgestoei het, omdat iemand hom moes verjaag het”.

Die seun is tans in ʼn medies geïnduseerde koma en gaan binnekort ʼn tweede operasie ondergaan.

Meer inligting oor die voorval en die familie is nie in dié stadium bekend nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

36 Kommentare

jongste oudste gewildste
Johann

Ons wag op die omstandighede. Was die leeu op ‘n verkeerde plek, of hulle? Nou hoe gebeur dit?

Dit is soos met als in die land, jy mag nie vra nie, of dit word sensuur. En my simpatie is by die natuur.

LEPHALALE

Die dorp se naam is lephalale… kyk asb spelling.

Johann

Die dorp se naam is belangriker as die gebeure, ons het nou tot daar gevorder.

zoom zoom

Dit gaan woes daar in Ellisras.

Cherokee

Dan was dit ‘n welpie.