Liggaam in veld wel dié van vermiste Ellisras-vrou

Monique Barnard

Monique Barnard

Die liggaam wat in Mei in ʼn veld buite Lephalale (Ellisras) in Limpopo gevind is, is dié van die 19-jarige Monique Barnard.

Ao. Frans Mokoena, woordvoerder van die polisie, het gesê DNS-toetse het bevestig die erg ontbinde lyk wat op 6 Mei gevind is, is dié van Barnard, wat ook as Monica bekend gestaan het. “Die polisie ondersoek nou ʼn saak van moord. Niemand is nog in hegtenis geneem nie.”

Maroela Media het vroeër berig Barnard het glo in die vroeë oggendure van 7 April die woonstel wat sy met haar kêrel deel, verlaat. ʼn Grootskaalse soektog is van stapel gestuur, maar het niks opgelewer nie. Die saak het egter ʼn wending geneem nadat verbygangers op 6 Mei die erg ontbinde liggaam gevind het.

Louise Loubser, Monica se ma, het vroeër aan Maroela Media gesê sy en haar dogter het nog die aand voor haar verdwyning op WhatsApp gesels. “Ons het nog gelag en grappies gemaak. Toe ek haar egter die volgende oggend bel, was haar selfoon se stempos aangeskakel. Later die dag het ek weer probeer, en haar selfoon was nog steeds afgeskakel.

“Toe ek haar die Donderdagoggend probeer bel en weer net by haar stempos uitkom, het ek onraad gemerk. Ek het haar kêrel, by wie sy tuisgegaan het, gebel en hy het gesê sy is die oggend omstreeks 01:00 weg,” het Loubser gesê.

Lees alle vorige berigte oor Monique Barnard op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

26 Kommentare

jongste oudste gewildste
Karma

Aggenee!!! Ek het so gehoop dat sy veilig gevind sou word ….. :-(((

Baie slegte nuus

Dit is regtig baie slegte nuus, sterkte aan haar Ma. Ek hoop jou skuldige word vasgetrek en uitgesorteer. Dit is net vir my so hartseer dat haar lewe so min beteken het……. Sy is ook ‘n mens net soos elke vrou, sy was veronderstel om deur die reg en Mense Regte Komissie beskerm te word.

Mooiheid

Mooiheid en ‘n sagte liefdevolheid straal uit jou oê, jou dood is soooo onregverdig!!!!!!!!

Maria

Ja geen lewe meer iets werd en veral vrouens sagte teikens en nou ja straf vir moord . Wat kan mens sê. .

Wilmarie

Ag nee!! Ek het so gehoop dit is nie sy nie!! Ai man. ?