Man kritiek ná inwoners hom glo aanrand

Argieffoto: ER24

Argieffoto: ER24

ʼn Man is in ʼn kritieke toestand in die hospitaal nadat hy Saterdagaand glo deur inwoners van ʼn nedersetting in Imbali, Pietermaritzburg, erg aangerand is.

Werner Vermaak, woordvoerder van ER24, het gesê paramedici is omstreeks 23:30 na die nedersetting ontbied. Daar het hulle ʼn 23-jarige man met veelvuldige steekwonde oor sy hele liggaam, ʼn gebreekte skedel en erge gesigfrakture aangetref.

“Die inwoners van die gemeenskap was vyandig teenoor die paramedici wat probeer het om die man op die toneel te stabiliseer,” het Vermaak gesê. “Daar is aan die paramedici gesê dat die man glo vroeër die aand ʼn kind met ʼn mes gesteek het en dat hy daarom deur inwoners aangerand is.”

Volgens Vermaak moes die paramedici noodgedwonge die man in die ambulans laai en hom op pad na die hospitaal behandel, aangesien die inwoners ongelukkig was omdat die man mediese behandeling ontvang en die paramedici gedreig het. “Die man is op pad na die hospitaal aan ʼn asemhalingsapparaat gekoppel en die polisie is in kennis gestel,” het hy gesê.

Vermaak kon nie bevestig of die polisie later na die toneel toe is nie. Maroela Media het die betrokke polisiewoordvoerder genader vir kommentaar en wag op terugvoer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

9 Kommentare

jongste oudste gewildste
Jakes

Welgedaan inwoners.

Lance

Its the african way ….african solutions for african problems

Melissa

Jakes ek dink nie daardie soort boendoegeweld sit in my siel en hande nie. Het jy al mob justice in aksie gesien? Dit is werklik grusaam en onmenslik satanies. Sluit my uit asseblief.

m

Die gemeenskappe is ma net moeg vir hierdie tipe mense in hulle samelewing. Mens het regtig nie baie simpatie met hierdie man nie. Hy sal tog niks oorkom nie en hulle weet dit. Seker nie altyd die regte ding om dinge op so manier uit te sorteer nie………… Dink nie daar ou sal gou weer so iets probeer nie, dis nou as hy dit oorleef.