Man moor glo vrou, stiefdogter voor hy in trok vasjaag

Foto: SAPD

ʼn Gesinstragedie het Dinsdag in Bela Bela (Warmbad) in Limpopo afgespeel toe ʼn man glo eers sy vrou en stiefdogter vermoor het voor hy homself om die lewe gebring het.

Die liggame van Thandi Mathebula (39) en haar dogter, Sharon (17), is Dinsdagmiddag in hul huis gevind. Bure het glo agterdogtig geraak en ʼn liggaam op die kombuisvloer gesien waarna die polisie ontbied is.

Volgens brig. Motlafela Mojapelo, polisiewoordvoerder, het beamptes die huis se deur oopgebreek en is die vrou se liggaam op die kombuisvloer aangetref en die dogter se liggaam in haar slaapkamer. “Dit lyk of hulle verwurg is,” het Mojapelo gesê.

Die 37-jarige man het ná die moorde met die gesinsmotor op die Thabazimbi‑Rooiberg-pad reg van voor teen ʼn aankomende vragmotor gebots. Hy is op slag dood.

Die polisie ondersoek twee sake van moord en ʼn saak van strafbare manslag.

Lt.genl. Nneke Ledwaba, provinsiale polisiekommissaris, het gemeenskapslede gevra om professionele hulp te soek in stede daarvan om tot geweld oor te gaan in huishoudelike kwessies.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

17 Kommentare

jongste oudste gewildste
koos

Die arme trok bestuurder, die gebeure gaan lank by hom/haar spook.

Abe

Morne,
Soos Ilse se, dit is prosedure (uiters noodsaaklike prosedure) soos al telkemale hier verduidelik is. As iemand dit nie kan verstaan nie, moet hy dit maar net aanvaar. Dit spreek mos vanself!

James

Ondersoek n saak van moord?

Antoinette

Die Polisie se hul ondersoek die misdaad maar dit is net n GDO Geregtelike Doodsondersoek wat gedoen word deur hof natuurlik.

Marius

Ag dis darem n moordsaak opgelos vd jaar. Dit laat hul stats vir die 2019/2020 boekjasr goed lyk.