Man op Limpopo-plaas doodgeslaan

OPVOLG: ‘n Woordvoerder van die polisie het die oorledene as Ryno Janse van Rensburg geïdentifiseer. Lees die opvolgberig hier.

Argieffoto: Nico Strydom

Argieffoto: Nico Strydom

ʼn Man se liggaam is Dinsdagoggend deur ʼn werker op ʼn plaas in die Roodekuil-gebied buite Bela-Bela in Limpopo aangetref nadat hy vermoedelik buite sy huis doodgeslaan is.

Marius Müller, nasionale veiligheidskoördineerder van AfriForum, het aan Maroela Media gesê die man, vermoedelik in sy vroeë 30’s, se liggaam is buite sy kombuisdeur gevind. “Die man bestuur die plaas vir die eienaar en het ook daar gewoon. Dit lyk asof hy buite vir die eerste keer by sy voertuig oorrompel en aangerand is en toe probeer het om terug te strompel na die huis toe. Hy het egter voor die deur inmekaargesak en aan sy wonde beswyk.”

Hy het gesê dit is nie duidelik presies wanneer die man oorval is nie. Hy is Maandag omstreeks 20:00 die laaste keer lewend gesien. Dit is ook nie duidelik waarmee die man aangerand is nie. “Dit lyk nie in dié stadium op die oog af asof daar iets gesteel is nie.”

Maroela Media weerhou die oorledene se naam totdat al sy naasbestaandes van sy dood ingelig is.

Lt.kol. Moatshe Ngoepe, woordvoerder van die polisie, het die voorval aan Maroela Media bevestig, maar kon nie onmiddellik meer inligting bekendmaak nie. Daar word gewag op verdere kommentaar van die polisie.

Die moord het gebeur in dieselfde gebied waar John Ramalho (84) op 24 Januarie op ʼn kleinhoewe aangeval en sy twee hondjies deur die aanvallers met potte doodgeslaan is. Die aanvallers het met ʼn haelgeweer, .303-geweer, .22-geweer en ʼn pistool, asook verskeie huishoudelike items en Ramalho se bakkie gevlug.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
Besorgde

Die is sonder twyfel n Radikale Rasistiese aanslag op die Blankes wat op plase bly

Ekwilibrium

Die oorlog teen ons is nou in volle swang. Ek weet nie wat om te doen nie, want ek weet nie waar om aan te sluit nie. Die massas se tone krul van lekkerkry terwyl ons gedienstig gedweë afgemaai word. God, help ons!!!

Ferdi

So dis nie meer net steel omdat hy honger is nie. Nou raak dit sommer net moord. ‘N DAG GAAN KOM WAG EN KYK. MAAK GEREED MY VOLK

wilna allen

Ai my ouboet min het jy geweet dat jy so wreed gaan sterf min het ek geweet dat gistraand my laaste telefoon oproep met jou sou wees

Ouboet

Was dit weer ‘n rassistiese aanval?