Man tydens Pta-huisroof doodgeskiet

Die vuurwapen waarop beslag gelê is. Foto: Via Haroon Abramjee ‏(@HAbramjee) op Twitter

Die vuurwapen waarop beslag gelê is. Foto: Via Haroon Abramjee ‏(@HAbramjee) op Twitter

WAARSKUWING: Die foto onderaan die berig is grafies van aard en nie geskik vir sensitiewe lesers of kinders nie.

ʼn Man is Sondagaand tydens ʼn vermeende huisroof in Pretoria doodgeskiet.

Konst. Tumisang Moloto, polisiewoordvoerder, het Maandag aan Maroela Media gesê die voorval het in 5de Laan in Laudium, in die suidweste van die stad, plaasgevind.

“Twee gewapende mans het na bewering omstreeks 21:30 toegang tot die huis verkry en familielede in die huis oorval. Die inwoners is met ʼn vuurwapen gedreig, waarna die verdagtes aangedring het op juwele en geld,” het Moloto gesê.

Iemand in die huis het die huis se alarm geaktiveer en beamptes van ʼn plaaslike veiligheidsmaatskappy het spoedig reageer.

“Toe die veiligheidsbeamptes by die huis opdaag, het die verdagtes op hulle losgebrand. Die beamptes het teruggeskiet en een van die verdagtes noodlottig gewond.”

Maroela Media het verneem die man is in die linkerbors getref en is op die toneel dood verklaar.

Die ander verdagte (36) is kort daarna deur die polisie in hegtenis geneem. Die polisie het beslag gelê op ʼn ongelisensieerde vuurwapen, juwele en ʼn bedrag geld wat tydens die voorval gebuit is.

Die Laudium-polisie ondersoek ʼn saak van huisroof.

Die man wat in hegtenis geneem is, moet binnekort in die Atteridgeville-landdroshof verskyn.

Die Erasmia en Laudium-woonbuurte gaan die afgelope weke gebuk onder ʼn vlaag gewelddadige aanvalle en huisrooftogte. In Oktober het die ontstoke gemeenskap twee vermeende rowers gevang en doodgeslaan, skaars ʼn dag nadat ʼn plaaslike motorhandelaar, Zayne Suliman (50), voor sy gesin in sy huis doodgeskiet is.

WAARSKUWING: Die foto is grafies van aard en nie geskik vir sensitiewe lesers of kinders nie.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

20 Kommentare

jongste oudste gewildste
Danie

Nogal opmerklik dat die VERDAGTES albei rooi hemde aan het. Wonder aan watter politieke party hulle behoort.?

Sakkie

Dit gee mens weer hoop!!!!

Quinton

So bly iemand word gevang. Alle lof en eer aan die Here vir die beveiliging van die mense van die huis.

Retha

Maroela media: moes die berig nie eerder gelees het: INBRAKER GESKIET TYDENS ROOFTOG? Man, laat mens onmiddellik cis weereens ‘n onskuldige pa wat sy gesin agterlaat.

Andre

Met sy rooi T hemp aan het hy die gesin se vuurwapen, geld en juwele gaan NASIONALISEER!