Die ietermago is lewendig gevind. (Foto: Verskaf)
ʼn 42-jarige man het Maandag in die Ganyesa-landdroshof in Noordwes verskyn nadat hy met ʼn ietermago in sy besit gevind is.
Volgens kol. Adéle Myburgh, polisiewoordvoerder, het ʼn multidissiplinêre span, bestaande uit lede van die honde-eenheid en ʼn aantal natuurbewaarders, vinnig opgetree nadat hulle ʼn anonieme wenk oor die verdagte ontvang het.
“Hy is Saterdag by Tseng Village in Morokweng in hegtenis geneem.”
Die verdagte het ʼn ietermago ter waarde van R60 000 in sy besit gehad. Volgens natuurbewaarders is die dier lewendig gevind.
Die verdagte is op borgtog van R2 000 vrygelaat en sal na verwagting weer op 3 September in die hof verskyn.
Sluit toe! Gooi die sleutels weg.
sluit hom verewig toe asb!!!!!!!
Sluut die pes toe. Onnosel ding
Hy gaan nie opdaag nie.
Uitvaagsel, sluit toe, hoe en deur Wie word die geldwaarde bepaal?
hy moes nie borg gekry het nie , hy gaan verdwyn , hy moes reguit tronk toe gegaan het .
Uit op R2000 borgtog. Die laaste sien van die blikkantien. Net nog ‘n saak wat uit die hof gegooi gaan word a.g v. die beskuldigde wat nie opdaag nie
ag moeder dis n cute dier. seker maar beter so
Ek sit liewers op my hande.
Maak nie saak hoe honger hy is nie, ek sal so iemand iets aan doen.