ʼn Vrou van Bethelsdorp word steeds in die intensiewesorgeenheid van ʼn hospitaal behandel – en haar ongebore baba is dood – nadat ʼn gewapende man Woensdag op haar losgebrand het.
Kol. Priscilla Naidu, polisiewoordvoerder in die Oos-Kaap, het gesê drie mans het die vrou vroeg gistermiddag in Booysenspark genader en haar selfoon geëis.
“Terwyl sy haar foon wou uithaal, het een van die verdagtes skote op haar geskiet. Sy is in die maag, linkerbobeen en regterarm gewond,” het Naidu gesê.
Die rowers het daarna gevlug.
Die 31-jarige vrou was naastenby ses maande swanger, het Naidu gesê.
“Dit is in dié stadium onduidelik of hulle wél haar selfoon gebuit het. Die motief vir die skietery moet nog vasgestel word.”
Die vrou is na ʼn hospitaal gehaas, maar haar ongebore baba kon nie gered word nie en is dood.
ʼn Klag van poging tot moord word ondersoek, het Naidu gesê.
Dr. Llewellyn Curlewis, ʼn strafregkenner, het by navraag gesê ʼn ongebore baba word ingevolge strafreg nie as ʼn lewende wese beskou nie. Daar kan dus nie sprake wees van ʼn moordklag nie, al het die ongebore baba gesterf.
Dis moord en klaar!!!!! Op 6 maande swangerskap is dit ‘n baba en nie ‘n fetus nie.
‘n Fetus is ook ‘n lewe!
Moord is moord…. wette is mensgemaakte reels. Vra maar enige ouer wat al ‘n kind moes afstaan aan die dood.
Wie gaan die wet verander?
dis ‘n lewetjie wat weg is! moord en klaar!
A life for a cellphone
Mens wonder net altyd wanneer is genoeg, genoeg. Iewers moet dit tog stop?
My persoonlike opinie is dit n baba van 4 weke af. En dit is moord.
Dis so bitter onregverdig dat ‘n ongebore kind moet boet vir die selfsugtige hartelose goed daar buite. Nog nie eers in die wêreld nie en klaar vermoor!
Dis klaar al n mensie. Natuurlik is dit moord.
Dit is eenvoudig moord. Niks minder. Hoe is dit dat die wêreld oor renoster stropers en diere gaande is, maar die mens se lewe beteken niks. Hierdie is ‘n skending van die basiese bestaansreg om beskermd en gekoester te wees vir 9mnde totdat hy gebore kan word. Dis eenvoudig boosaardig en die moordenaar behoort volgens my lewenslange tronkstraf te kry. Natuurlik het hy geweet wat hy doen. Maar bitter min mense gaan met my saamstem.
Natuurlik is dit reeds ‘n mens!!!! Die enigste verskil is dat die baba nog in die baarmoeder is, maar verder is hy 100% volledig mens.
Moord bly moord!
Ai tog, ons lewens is blykbaar niks meer werd nie
My vraag aan die mense wat die wette maak. Hoe kan iets wat nie lewe nie dan sterwe??? Sodra daar n hartklop is dan is daar lewe. Dis moord. Maar moord het mos n ongeskrewe nationale sport geword in die land en dis hoekom hulle nie vervolg word in my opinie wat niks beteken nie.