Optrede kom oor geweld op N2 in Kaap

Die vragmotor is Saterdag in Lwandle met ‘n petrolbom bestook. (Foto: Twitter)

Wetstoepassingsowerhede in die Wes-Kaap gaan die N2 voortaan 24 uur per dag patrolleer, ná verskeie aanvalle op voertuie die afgelope naweek.

Die LUR vir gemeenskapsveiligheid, Albert Fritz, het Woensdag in die Strand met verskeie rolspelers vergader om ʼn oplossing vir die voortslepende geweld daar te vind.

Maroela Media het vroeër berig ʼn vragmotor is Saterdag in Lwandle in die Strand met ʼn petrolbom bestook. Dit het op die hoek van die N2 en Onverwachtstraat by ʼn verkeerslig stilgehou toe dit geteiken is.

Die bestuurder en twee passasiers was in die vragmotor tydens die aanval. Die 32-jarige passasier het beserings aan sy gesig opgedoen en is na ʼn nabygeleë hospitaal geneem. Die bestuurder en ander passasier is ongedeerd.

Dié voorval volg op nog een Woensdag toe ʼn vragmotor van Gastao’s Quality Foods ook met ʼn petrolbom gegooi is. Dié voorval het op die hoek van die N2 en Broadlandsweg in Somerset-Wes plaasgevind. Volgens die maatskappy het een van die bestuurders sy sleutelbeen gebreek toe hy uit die vragmotor gespring het.

Die N2 is in ʼn stadium by Broadlandsweg en Onverwachtstraat, asook by Sir Lowryspas gesluit.

Die Wes-Kaapse polisiehoof, wyksraadslede, polisielede, amptenare van die departement van gemeenskapsveiligheid, vrywilligers, lede van gemeenskapspolisiëringsforums, private veiligheidsmaatskappye, die huiseienaarsverenging en mediators het gisteraand se vergadering bygewoon.

As tussentydse maatreël gaan die polisie, verkeerspolisie en private maatskappye verseker dat die pad dag en nag gepatrolleer word.

Op mediumtermyn gaan gemeenskapsveiligheidsforums op die been gebring word om te verseker dat mense opgelei word as eerste reaksiebeamptes en mediators om moontlike oproer en betogings te help ontlont. ʼn Vergadering daaroor word die naweek gehou.

“As ʼn langtermynstrategie moet ons krities kyk na grondhervorming en praat met instellings soos Sanral [die Suid-Afrikaanse Nasionale Padagentskap], Asla [ʼn konstruksiemaatskappy], die Stad Kaapstad, die Wes-Kaapse en die nasionale regering,” het Fritz gesê.

“Beter samewerking en kommunikasie tussen almal in die bedryf is die sleutel tot die beveiliging van die provinsie.”

Cayla Ann Tomás Murray, Fritz se woordvoerder, het gesê talle van die betogings spruit uit ʼn gebrek aan behuising, of is die gevolg van agterplaasbewoners se griewe en om die rede moet ook na grondhervorming gekyk word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

16 Kommentare

jongste oudste gewildste
Jacobus Krynauw

Sal die owerheid ooit leer om geweldenaars te verwyder in plaas daarvan om geweld te probeer hokslaan?

n feit

Jou nasie is oorbevolk en jy kry nogsteeds 10 kinders. Dan het jy nie geld om hul groot te maak en te laat skool gaan nie. Dan is jou kinders dom. Jy dink nie daaraan om n huis te probeer aanskaf of huur nie. Maw jy wil he en he en he. Nou is jy en jou kinders klipdom en jy is kwaad omdat jy nie n huis het nie en dom is en daarom brand jy ander mense se voertuie wat kos aanry vir jou en al die ander burgers. Wat het enige behuising of dienste te doen met… Lees meer »

marous

Niemand glo meer iets wat uit enige das draer se mond kom nie . Die regering het totaal misluk , en anargiste is op die inwoners wat die hool staande moet hou , losgelaat . Hulle kan sal en wil dit nie stop nie . Welkom in die hel waaroor die konserwatiewe verkrampte pessimiste 30 jaar gelede gewaarsku het .

Gert van Wierdapark

Hopelik gaan STAPPE ook in regte rigting gedoen word om die Flippen skurke aan die pen te laat ry!!!

James

Nou wat het hulle griewe met die trokke uit te waai?
Die mentaliteit.
Hulle stem steeds anc.
Nou wat nou