Die onafhanklike polisieondersoekdirektoraat (Opod) het Donderdagmiddag ʼn polisiebeampte van die Oos-Kaap in hegtenis geneem vir statutêre verkragting. Hy het na bewering ʼn agtjarige meisie verkrag. Dit is nie seker wanneer die beweerde voorval plaasgevind het nie.
Die beampte sal na verwagting Vrydag in die Uitenhage-landdroshof verskyn.
Ndileka Cola, woordvoerder van Opod, sê die verkragting is op 17 Augustus onder Opod se aandag gebring en die saak is sedertdien as ʼn prioriteit beskou.
“Die saak is na een van ons hoofondersoekbeamptes verwys wat dit so gou moontlik afgehandel het sodat die beampte in hegtenis geneem kon word,” sê Cola.
Cola sê Opod moes die saak ondersoek, ongeag of die beampte aan diens was of nie.
“Opod veroordeel hierdie verkragting ten sterkste, veral in die lig van geslagsgebaseerde geweld. Polisiebeamptes is veronderstel om eerder burgers te beskerm as om hul lewe in gevaar te stel.”
Hulle beskerm ons glad nie ons moet dit ook self doen en hulle soek ‘n 400% verhoging omdat hulle in gevaar is oe ee ee
Hulle beskerm ons vir seker nie , ons moet onsself teen hulle beskerm,en dit is so tragies van ons kriminele polisiemag
Dis suiwer verkragting van ‘n jong kind. Hoekom word daarna verwys as “statutêr”?
Kan iemand ons verduidelik wat is die verskil tussen kinder en statutere verkragting asb