Pta-man vas ná hy glo met kind (10) wou lol in fliek

Argieffoto

Argieffoto

ʼn 49-jarige inwoner van Capital Park is in hegtenis geneem nadat hy glo met ʼn 10-jarige kind in ʼn fliekteater wou lol.

Kapt. Colette Weilbach, woordvoerder van die Brooklyn-polisie, het aan Maroela Media gesê die slagoffer se ma het haar dogter verlede maand na ʼn fliekteater by ʼn winkelsentrum in die ooste van Pretoria geneem om ʼn kinderfliek te kyk.

“Die ma het vir haar dogter ʼn kaartjie gekoop en saam het haar by die teater ingegaan om seker te maak sy sit en alles is reg, waarna sy haar kind alleen agterlaat het,” het Weilbach gesê.

ʼn Man, wat die meisie nie ken nie, het ingegaan en langs haar gaan sit. “Ná ʼn rukkie het die man sy hand op die meisie se binnebeen gesit. Die meisie het dadelik opgespring en na buite gehardloop, waar sy die voorval by ʼn vrou buite die teater aangemeld het. Die man het intussen ook uit die teater gekom en weggehardloop toe die meisie hom uitwys.”

Die polisie se eenheid teen gesinsgeweld, kindermishandeling en seksuele misdrywe (FCS) het die voorval ondersoek en die man Maandagaand by sy huis in hegtenis geneem. “Hy word verbind met ʼn soortgelyke voorval by ʼn ander fliekteater in die stad.”

Die man het Donderdag in Pretoria-landdroshof verskyn op aanklag van seksuele gereedmaking. Die saak is tot 22 Maart uitgestel vir verdere ondersoek. Hy bly in aanhouding. Die man se naam mag nie genoem word voordat hy gepleit het nie.

Weilbach het namens die Brooklyn-polisie ʼn beroep op ouers en voogde gedoen om nie toe te laat dat hul kinders op hul eie gaan fliek nie en om nooit ʼn winkelsentrum as ʼn “kinderoppasser” te gebruik nie.

“Kinders moet altyd naby hul ouers wees en nie toegelaat word om sonder toesig rond te dwaal nie,” het sy gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

29 Kommentare

jongste oudste gewildste
Lynette Schultz

Watter ma los haar kind in hierdie siek wêreld waarin ons leef ALLEEN in ‘n teater!! Ek is jammer om dit te moet sê, maar dit was onverantwoordelik. Ek hoop ander ouers leer hieruit. Ons kinders is ons kosbaarstes – pas hulle op!

Ronel

Ons is verlig. Ons en ander ouers het dieselfde ervaring met die man gehad meer as n maand gelede. En ons was saam met ons kinders in die fliek in die Ooste v Pretoria! Hy word al lank ondersoek en die Valke is betrokke agv sy lang siek geskiedenis. Die bestuur van die fliek maatskappy het fantasties gehelp dankie dankie .

christine

Die siek blikslaers. Lak hulle alewig in parke en om skole in flieks vas. Ook my kinders nooit op krismisvader se skoot laat sit nie.

Johannes van Rooyen

Die opmerkings hier is waar maar ons land is in so toestand agv ons uiterste swak selfverreikende ANC regering wat geensins daarin belangstel om land reg te regeer nie

Anneke

Hoe kan mens jou 10jarige alleen los in die fliek..? Nee sies kyk die fliek saam jou kind en los die shopping vir n ander dag ?