Pta-tiener deur tuinier en makker beroof

Argieffoto

ʼn 16-jarige seun van Pretoria is Dinsdag deur die gesin se tuinier en ʼn medepligtige beroof.

Konst. Mandlakayise Zwane, polisiewoordvoerder, het aan Maroela Media gesê die voorval het omstreeks 13:30 in Theuns van Niekerkstraat in Wierdapark, Centurion, plaasgevind.

“Die seun was na bewering alleen by die huis toe hy ʼn klop aan die buitehek gehoor het. Hy het gaan ondersoek instel en gesien die gesin se voormalige tuinier en nutsman, slegs bekend as William, en ʼn ander man staan by die hek. Die tweede man was nie aan die seun bekend nie en William het hom as ʼn vriend voorgestel,” het Zwane gesê.

William het glo vir die seun gesê hulle is daar om die erf skoon te maak. Hy het ook vir die tiener gesê hy is siek en het vir koffie gevra sodat hy “sy pille kan drink”.

Die seun het vir die mans koffie gaan maak en na buite geneem om te drink. Hy het intussen met sy ouers op WhatsApp gepraat en gesê William het opgedaag om te kom werk. “Hulle het geantwoord dat hy maar die twee mans kan laat voortgaan.”

Die seun is daarna in die huis in waar hy skielik deur die twee mans oorval is. Die onbekende verdagte het die seun met ʼn knipmes gedreig en gesê om saam te werk as hy nie gesteek wil word nie. Hy is gedwing om op die grond te lê, waarna hy met ʼn tou vasgebind is.

Die verdagtes het die huis geplunder en gevlug met ʼn Samsung S4-selfoon, ʼn skootrekenaar en ʼn hoek slyper Die mans het ook ʼn haelgeweer, met die reeksnommer 12m1382, uit die kluis gesteel. Die gesteelde eiendom het ʼn geskatte waarde van R20 000.

“Die voormalige werker se adres is nie aan die gesin bekend nie en hulle het net sy selfoonnommer.” Die seun is nie tydens die voorval beseer nie.

Die Wierdabrug-polisie ondersoek ʼn saak van huisroof. Enigiemand met inligting wat die polisie in hul ondersoek kan bystaan, word versoek om die polisie by 012 685 0008 of 0860 010 111 te bel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

35 Kommentare

jongste oudste gewildste
Alida

Kan mens nog ‘n tuinier of ENIGE werknemer in diens neem sonder ‘n afskrif van sy ID dokument? Ek verstaan dit nie.

Ada

Ons het niemand in diens nie en dit is ‘n fees!!!
Doen self alles – beplan net goed- dis al!
Dankie tog die kind is ongedeerd.

Magda

Dis hoekom ek geen bediende of tuinier het nie – dis wel baie harde werk, eerstens word dit 100% beter gedoen en 2de – niks word gesteel nie. Jy kan hulle net nie vertrou nie.

Sus

Jip! Sê ek ook. Steek jou handjies uit jou moue en doen jou huiswerk self. As dit te veel is, skaal af. Baie dankbaar die kind is nie beseer nie.

GewonePleb

Pappa, ek wil by die gym aansluit…..Goed so, vat die grassnyer en randsnyer en begin. Dan kan jy die plaveisel vee, en twee karre was. Wax on, Wax off…en kyk hoe bult die spiere. Geen volksvreemdelin op hierdie erf nie. Hier maak jy jou eie bed op, daar is ‘n wasmasjien, skottelgoedwasser, tuimeldroëer, stofsuier, strykyster………..alles gekoop met die duisende Rande wat gespaar word deur NIEMAND aan te stel nie. Daai vers in die Bybel moes gelees het: My volk gaan ten gronde weens ‘n gebrek aan fluksheid….