DA-leier John Steenhuisen. (Foto: Facebook / DA)
“Red SA, stem DA.”
Dít is die amptelike slagspreuk van die DA se 2024-verkiesingsveldtog wat Donderdag in die strate van Gelvandale in Gqeberha bekendgestel is.
In sy toespraak het John Steenhuisen, leier van die party, benadruk dat baie met vanjaar se algemene verkiesing op die spel is, terwyl hy kiesers gevra het om hul kruisies langs die DA se naam te trek.
“Om in dié verkiesing vir die DA te stem is ʼn wen-wen. ʼn Stem vir die DA is ʼn stem om ʼn ANC-koalisie te voorkom. ’n Stem vir die DA is ’n stem vir ’n nuwe nasionale regering met ’n sterk ankerparty in sy hart wat Suid-Afrika kan red.
“In hierdie verkiesing is daar te veel op die spel om tuis te bly. Jou stem is jou stem, en kan die één stem wees wat Suid-Afrika red voordat dit te laat is.”
Steenhuisen sê die party het spesifiek gekies om sy veldtog in Nelson Mandelabaai van stapel te stuur omdat die metro ’n sprekende voorbeeld is van die probleme wat opduik wanneer munisipaliteite ten koste van burgers in die hande van die ANC, of klein partye wat ten doel het om die ANC te bevorder, beland.
Die DA het verlede jaar beheer oor dié munisipaliteit verloor toe Retief Odendaal as burgemeester uitgestem is.
Die DA het hul 2024-verkiesingsveldtog in die Oos-Kaap afgeskop. (Foto: Facebook / DA)
Gary van Niekerk van die Noordelike Alliansie is in Odendaal se plek as burgemeester aangewys, terwyl oudburgemeester en ANC-raadslid Eugene Johnson is as die nuwe speaker van die metro aangewys is.
Die DA het destyds gesê die nuwe ANC-koalisie, wat onder meer die Noordelike Alliansie insluit, het sy magsvergryp voltooi toe hy die mosie van wantroue teen Odendaal ingedien het.
“In hierdie verkiesing sal ’n stem vir die DA nie net Suid-Afrika van die ANC red nie, maar ook van klein partye wat net bestaan om ANC-wanbestuur te bewaar.
“Die 2024-verkiesing sal ’n waterskeidingsoomblik vir Suid-Afrika wees, aangesien ons land voorberei om die belangrikste besluit in ons demokratiese geskiedenis by stembusse te neem.”
Steenhuisen sê vanjaar se verkiesing bied ’n laaste kans om die land uit die ANC se wurggreep te red, en ’n algehele ineenstorting van die land te voorkom.
“Vanjaar moet ons stem om Suid-Afrika van die werkloosheid-, beurtkrag-, water-, misdaad-, korrupsie- en lewenskostekrisisse te red wat ons land se voortbestaan bedreig.
“Die DA is daartoe verbind om die stabiele ankerparty in die hart van ’n nuwe nasionale regering te vorm. Die DA se praktiese en implementeerbare manifes, gekombineer met ons bewese rekord van goeie bestuur, werkskepping en verbetering van lewens, maak ons die ideale party vir elke Suid-Afrikaner wat wil hê dat ’n nuwe regering Suid-Afrika moet red.”
???? | DA Leader John Steenhuisen unveiled the party's national slogan poster today. The DA is ready to #RescueSA from loadshedding, corruption, unemployment, poverty, & violent crime.
Visit https://t.co/pWjljZ5IJU to read the #DAmanifesto. 29 May is your chance to stop the decay! pic.twitter.com/K90gvY1xtd
— DA Western Cape (@WesternCapeDA) February 29, 2024
???? | We are in front of Parliament in Cape Town with DA Premier Pandidate, @alanwinde, Provincial Leader, @tertuis23 and Metro Chair, JP Smith, putting up our new election posters, saying we are ready to #RescueSA ???????? pic.twitter.com/7stubCXqjn
— DA Western Cape (@WesternCapeDA) February 29, 2024
Bravo ek stem DA kom mense kom stem DA laat ons hierdie ander goed uit kry ek bid hard vir Die DA last GOD ons seen kom DA julle ysters
Stem mense stem, as jy nie gestem het nie kan jy nie KLA nie, en as ons dit nie nou doen nie wag n DONKER TYD vir ons
Ek dog maroela media is onpartydig, maar sommer eksplisiet stel julle dit duidelik in die hoofopskrif wie om te stem. Almeer mense gaan besef julle is in die hande van die linkses en hul ondersteuning onttrek. Julle is besig om die hele Afriforum beweging te bedreig.
Wel een ding wat ek verseker weet is dat ek nie ANC, EFF, of PA gaan stem. 2025 lyk Kaapstad soos Knysna!
Ek sal nooit DA stem nie omdat hul ook pro-aborsies is.
Nee dankie, ek dien nie afgode en on-Christelike beginsels nie (1 Joh 2:15-27). Ek kan nie my Christelike plig verloën bloot omdat ek ‘n ander wêreldse regering vir SA wil hê nie. Eendag sal ons almal voor die Troon van God staan om verantwoording vir ons dade te doen.
Ek sal nooit DA stem nie omdat hul ook pro-aborsies is. God is pro-lewe.
Aai Papsak, die DA is nie ‘n Christenparty nie.
Daar is seker ander dienstige partye as die DA wie ook ‘n stem verdien?
Maar gaan die ander lande wat deel van Brix is dit toelaat dat die ANC verloor? Sal die Palestynse regering nie ook dalk amok veroorsaak in ons land om die ANC in beheer te hou nie.
Ag Gert dink posittief groot ASB
Goeie vrae Gert. Dit lyk of die ANC nie meer in beheer is nie. Iran finansier waarskynlik die ANC. In ruil moet SA nou vir Israel aankla. SA word nou duidelik gebruik om geld te was en internasionaal rond te skuiwe.
Dammit All…. stem net DA !!!
Al die kommentaar maak my sommer net hartseer. Dit is gewoonlik die persoon wat nie stem nie, wat te veel wil sê na die verkiesing. Die DA is die enigste werklike opposisie vir die cANCer in die land. Word wakker, en stem. Al is dit nie vir die DA nie, maar stem net asseblief.
Hier is hopeloos te veel partye in SA.
@Goldy, let op na die aanhalingstekens “Red SA, stem DA”. Hoe, wanneer Maroela die DA aanhaal vir doeleindes van die berig, is hulle nou partydig? Wees beter.
Wel vir jou in ligting DA sover die beste vir wie stem jy seker anc so. Kla dan nie !!!!!!
Diegene wat so lekker wil gaan stem …. doen julle maar. Ja, ek het geregistreer om te gaan stem, maar of ek gaan … is ‘n ope vraag. HOEKOM? Want: (1) ek glo nie die verkiesings is werklik vry en regverdig nie; (2) ek glo baie verkiesingsbedrog ‘sluip’ in (3) ek glo baie stemme vir die opposisie word eenvoudig nie getel nie en weggegooi (4) ek dink nie die ANC gaan summier net terugstaan en sê “Awww … mense, ons het die nasionale meerderheidstem verloor, kom ons werk nou saam met die wenners nie” en (5) ek glo SA se “Arabian Spring” is op ons – as die ANC verloor, gaan die 2021 opstande soos ‘n kinder piekniek lyk!
…wonder wat rook hy?
Dankie maar nee dankie. DA sal nie my stem gekry het sou ons in SA gewees het. Bly nou in Kanada en dankie tog ek hoef nie meer my tyd te mors nie.