Foto bloot ter illustrasie. (Argieffoto: Kent Williamson)
ʼn 50-jarige man wat glo bekend is vir sy rolle in Suid-Afrikaanse sepies en verhoogproduksies, is Vrydag in verband met ʼn moord in Norkem Park aan die Oos-Rand in hegtenis geneem.
Ao. Barbara-Anne Ferreira, polisiewoordvoerder, sê private veiligheidsbeamptes is Vrydag na die toneel in Tenkwastraat ontbied waar die liggaam van ʼn 29-jarige man in ʼn kothuis aangetref is. Die slagoffer was vermoedelik die verdagte se lewensmaat.
“Die verdagte was steeds op die toneel en in besit van ʼn Beretta-vuurwapen. Die motief vir die moord is in dié stadium onbekend.”
Ferreira sê die verdagte is in hegtenis geneem en na die Tembisa-hospitaal vir behandeling geneem aangesien hy ʼn oordosis pille ingeneem het.
“Hy sal van moord en die besit van ʼn ongelisensieerde vuurwapen aangekla word.
“Die verdagte sal in die Kempton Park-landdroshof verskyn sodra hy uit die hospitaal ontslaan is.”
Hoewel daar tans in die media beweer word dat die akteur voorheen al in die gewilde sepie 7de Laan te sien was, het 7de Laan se woordvoerder, Kaylene Bessit, aan Maroela Media bevestig dat dit nie die geval is nie.
Name him and shame him.
Nee hemel Seef. Gee net kans
Nee wag los mense se privaatheid..privaat..nuuskierig kom wees nie
Toemaar dink nie dis vir n sepie wat jy graag na kyk nie. Klink na n regering-geborgde sepie se akteur.
Die media is tog so geheimagtig. Dit sal in elk geval uitkom.
En jy’s tog so nuuskierig :-)
Dit sal uit kom glo my
Dit was ******* ********** wat die moord gepleeg het.