Studente beroof: Drie ‘rowers’ dood

Foto: Facebook via eblockwatch

Foto: Facebook via eblockwatch

Drie vermeende rowers is Donderdag tydens ʼn hoëspoed-jaagtog deur die polisie doodgeskiet.

Konst. Thuli Ngwenya, woordvoerder van die polisie, het aan Maroela Media gesê die verdagtes het na bewering vier studente van die Universiteit van Johannesburg (UJ) in Aucklandpark beroof. Die studente het alarm gemaak en ʼn polisiepatrollievoertuig in die gebied het hulle te hulp gesnel.

“Die verdagtes het weggejaag en die patrollievoertuig het hulle agternagesit,” het Ngwenya gesê. “Tydens die jaagtog het die patrollievoertuig op die polisieradio bystand versoek en ʼn polisievoertuig van die Orlando-polisie het op die Soweto-snelweg by die jaagtog aangesluit.”

Volgens Ngwenya het die verdagtes die oomblik toe hulle die polisievoertuig sien het, op daarop losgebrand en die polisiebeamptes in die motor het teruggeskiet. “Al drie verdagtes is doodgeskiet. Die polisiebeamptes is nie beseer nie,” het sy gesê.

Twee vuurwapens is in die verdagtes se voertuig gevind. ʼn Saak van roof en ʼn geregtelike doodsondersoek is geopen.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

28 Kommentare

jongste oudste gewildste
François

Mooi man! Só werk dit mos! Welgedaan SAP!

Heinrich

Kolskoot; wel gedaan!

Wouter

Wonder net teen wie is die roof klag oopgemaak? Nietemin n fantastiese uitslag. Dankie SAPD.

Oupa

Dís hoe mens dit doen! Dit kos die belastingbetaler hopeloos te veel om hierdie misdadigers deur die howe te help, en dan in tronk-hotelle te versorg. Mooi so, SAPD! Maak die prys hoog genoeg dan sal die klante vanself minder word.

Oupa D

Ditsim! Geen genade nie, te veel rompslomp in die howe en dan moet die belastingbetalers die vloekstene in die tronk onderhou. Mooi so SAPD, klits hulle!