Terwyl sommige pasgematrikuleerde leerders nog wik en weeg oor hul toekoms, is Kelly Prowse, die beste matrikulant in die land, doelgerig op haar eie toekoms gefokus.
Prowse, wat aan die Rustenburg Girls High School in Kaapstad matrikuleer het, is tydens ʼn glansgeleentheid Donderdagaand as 2022 se top matrikulant aangewys.
Angie Motshekga, minister van basiese onderwys, het die uitgesoekte groepie matrikulante Donderdagoggend tydens ʼn ontbyt in Johannesburg onthaal. Hoewel hulle in daardie stadium nog nie geweet het wat hul uitslae is nie, kon hulle maar net raai dit is beter as waarvoor hulle sou kon hoop.
Prowse is opgewonde oor die volgende fase wat sy nou gaan betree.
“Ek beplan om aktuariële wetenskappe te studeer, grotendeels omdat ek ʼn egte liefde vir wiskunde het.”
Prowse sê sy het op ʼn jong ouderdom reeds ʼn liefde vir wiskunde ontwikkel toe sy en haar pa saam Sudoku-stukke begin voltooi het. Die twee het naderhand mededingend geraak en met elke Sudoku-stuk mekaar meer en meer uitgedaag.
“Om met syfers te werk was nog altyd een van my passies, so ek is dankbaar dat ek dit dalk eendag in ʼn werk kan omskep.”
Aktuariële wetenskappe pas die wiskunde van waarskynlikheid en statistiek toe om die finansiële implikasies van onsekere toekomstige gebeure te definieer, te ontleed en op te los.
Prowse meen dit is die beroep van die toekoms omdat die veld so divers is.
“Ek glo ek kan soveel daarmee doen en nog meer daarmee bereik en ek is opgewonde om weg te spring en te begin leer.”
Motshekga het Prowse en haar mede-topmatrikulante Donderdag toegespreek en hulle geloof vir hul strewe na uitnemendheid.
“Julle is rolmodelle vir julle portuurgroep en ʼn inspirasie vir die volgende generasie skoliere,” het sy gesê.
“Die geskiedenisboeke sal weet dat julle die bestes van die 2022-matrieks is en dit is geen geringe prestasie nie, veral as jy in ag neem dat julle die grootste groep leerders is wat al matriek geskryf het.”
Die matriekklas van 2022 het ‘n gesamentlike slaagsyfer van 80,1% behaal, die hoogste slaagsyfer sedert 2019.
Kyk hier wat Powell als te sê het oor die eksamen, haar uitslae en haar toekoms:
80.1 %
Omdat die vereiste slaagsyfer slegs 30% is
Monkeybusiness?
Well done girl!!
Pragtig! Hou so aan!
Al die Afrikaanse kinders wat so presteer – maak my hart sing!
Baie geluk so trots op ons kinders bly bo ysters