Twee kinders sterf in brand

Jermaine Carelse. Foto: ANA

Twee kinders is Maandag dood nadat hul gesin se huis in ʼn informele nedersetting in Kaapstad aan die brand geraak het.

Jermaine Carelse, woordvoerder van die brand-en-reddingsdienste in Kaapstad, het gesê die brand het in die Bardale- informele nedersetting naby Blue Downs uitgebreek.

Die brandweer is net ná 13:00 na die toneel ontbied. Spanne van die Mfuleni- en Belhar-brandweerstasies is onmiddellik na die toneel gestuur en met hul aankoms was die struktuur reeds in ligte laaie.

“Terwyl hulle die brand probeer blus het, is hulle meegedeel dat daar twee mense in die huis is.”

Die liggame van twee seuns, onderskeidelik vier jaar en 23 maande oud, is in die puin gevind ná die brand teen 13:40 geblus is.

Die polisie ondersoek die voorval.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

2 Kommentare

jongste oudste gewildste
gehasie

Hartseer!

Mariana

Geen woorde vir die hartseer nie, maar tog duik daar vrae op.