Die twee mense wat beseer is in verlede week se ontploffing in ʼn gebou in Woodstock, Kaapstad, is oor die naweek aan hul beserings dood.
ʼn Woordvoerder van die Groote Schuur-hospitaal het aan eNCA bevestig die twee mans is in die hospitaal dood.
Maroela Media het vroeër berig voorlopige ondersoeke na Donderdagaand se brand en ontploffings dui daarop dat ʼn gaslek die oorsaak van die verwoesting was.
ʼn Winkel is heeltemal in puin gelê tydens die voorval, wat op die hoek van Plein- en Victoriastraat plaasgevind het.
JP Smith, burgemeesterskomiteelid vir veiligheid en sekuriteit in die Kaapstad-metroraad, het vroeër gesê daar is op twee 48 kg-gashouers aan die agterkant van die winkel afgekom waarna die afleiding gemaak is dat dié bottels moontlik die oorsaak van die brand was.
Die bottels was ongeskonde maar inspekteurs vermoed dat dit gelek het en dat die gas eindelik vlam gevat het deur een van die induksiemotors van die verkoelingstoerusting.
Dis baie tragies.
En did bottels het nie ontplof nie….ongelooflik!
Brandewyn kom in bottels en gas in silinders.