Vrystaatse munisipaliteit wil krag-wanbetalers vasvat

(Foto: Twitter)

Die Maluti A Phofung-munisipaliteit in die Vrystaat – wat die beleërde kragverskaffer Eskom R2 miljard skuld – sê hy gaan voortaan inwoners en sakeondernemings wat nie hulle rekeninge betaal nie, se krag begin afsny. Die plaaslike owerheid bedien dorpe soos Harrismith en Phuthaditjhaba.

Die munisipaliteit het Dinsdag gesê verskeie inwoners en ondernemings peuter met sy infrastruktuur.

“Gevolglik het tydelike maatreëls, soos die installering van transformators wat gebruik word om elektrisiteit betroubaar te verskaf, weens die hoë druk op die stelsel nie hond haaraf gemaak nie. Dit word ʼn onbegonne taak vir lojale klante [wat hulle rekeninge betaal] om die hele gemeenskap te dra. Ons kan nie ʼn situasie duld waar net 29,4% van gebruikers betaal, terwyl die oorblywende 70,6% nie bydra nie,” het die munisipaliteit in ʼn verklaring gesê.

“Die munisipaliteit het dus geen ander keuse as om inwoners en sakeondernemings wat skuldig is aan onwettige verbindings en peutery se krag af te sny nie. Die raad se beleid sal betalingsooreenkomste reguleer en straf vir oortreders bepaal.”

Eskom het in Maart vanjaar laat beslag lê op die munisipaliteit se roerende bates weens onbetaalde skuld van R2,8 miljard.

Tien wanbetalende munisipaliteite skuld Eskom ʼn gesamentlike R9 miljard. Drie van dié munisipaliteite is in die Vrystaat.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

24 Kommentare

jongste oudste gewildste
Ig

Noueers??? Wat van Gauteng wat Soweto finansier????

Bertus

Sal nooit gebeur nie, dit sal “weg gestaak” word! Soos alles.

aj

Eksdom gaan “crash”!

Stebastiaan

Die land pluk nou die vrugte van die anc storie wst destyds vir die swart verbruikers vertel het om nie krag te betaal want die wittes kry dit verniet!!! Nou wat nou?

George in Bloem

Hahahaha! Ja,julle is so snaaks. En wie se ondersteuners is 99%van daai 70% in elkgeval? Spul narre.