Zoeloe-koning sê hy kan land regeer

Koning Goodwill Zwelinthini. Foto: DoC

Koning Goodwill Zwelinthini. Foto: DoC

Die omstrede, maar invloedryke koning van die Zoeloes, Goodwill Zwelithini, het ʼn beroep op pres. Jacob Zuma gedoen om as regeringsleier opsy te staan sodat hy, die koning, die land kan regeer.

IOL berig Zwelithini het gesê God het hom die mag gegee om mense te lei. Die koning het die opmerking gemaak in Ngwavuma, in die noorde van KwaZulu-Natal, tydens die jaarlikse tradisionele rietdansseremonie wat oor twee dae gehou word.

Zwelithini het onder meer verwys na die dood van twee mense, wat tydens beweerde politieke geweld by Inchanga doodgemaak is. Nontsikelelo Blose en Xolani Ngcobo het in Augustus tydens die geweld in die gebied gesterf.

Die koning het ook gesê die ANC se verlies van die Tshwane, Johannesburg en Nelson Mandelabaai-metro’s, na afloop van die munisipale verkiesing, is die gevolg omdat die ANC nie na sy raad geluister het nie.

Volgens The Telegraph het Zwelithini gesê onder Zuma se leierskap is die “land daarmee heen.”  Hy het groot gewag gemaak daarvan dat Pretoria en Johannesburg nou “deur wittes” regeer word en die blaam daarvoor voor Zuma se deur gelê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

50 Kommentare

jongste oudste gewildste
Alida

GEE MY KRAG !!!!!

Koos1

Ek dink hy moet sy tradisionele bier laat toets…… daar is iets daarin wat sy kop bietjie deurmekaar maak.
Hy kan nie eers sy eie huishouding met klomp vroue bestuur nie en moet jaarliks bakhand staan by die regering vir nog geld, dan wil hy die land bestuur?
Of verstaan ek verkeerd. Het hy bedoel dat Zuma nou genoeg gesteel het en dat dit nou sy beurt is?

Andrea

O my genade! Asseblief tog nie! :-\

Gerd Lourens

Ha ha ha ha ha x 1 triljoen!!!!

christine

Ons dink nie so nie ,staan jy maar net opsy. As jy dink profesionele geleerders gaan hulle laat regeer deur n Zulu koning sit jy die pot verskriklik mis dit wil se as jy een het. Arrogant dis omdat die dom spil dink die land behoort aan hulle.voorvadergeeste het die keer bietjie koekoes geraak