Die uMkhonto weSizwe (MKP)-party ontken bewerings dat oudpres. Jacob Zuma weens lae bloeddruk en uitputting onlangs in Umhlanga en toe weer by sy huis in Nkandla geval het.
“President Zuma is gesond, sterk en in goeie luim. Sy leierskap en toewyding aan die MKP is so standvastig soos altyd,” hou Nhlamulo Ndhlela, MKP-woordvoerder, vol.
Dié party is allermins beïndruk met die bewerings oor sy presidentskandidaat wat vandeesweek die koerante gehaal het.
Ndhlela sê die bewerings is niks meer as ʼn berekende poging om onenigheid te saai en die vordering van die MKP te vertraag namate die party vastrapplek kry in die aanloop tot die verkiesing nie.
“Die stories word gepropageer deur apartheid-opgeleide joernaliste en magte wat gekant is teen die konsolidasie van swart mag. Hulle het ten doel om vrees en onsekerheid in ons geledere te skep,” sê Ndhlela.
“Diegene agter hierdie narratiewe is bang vir die krag en vasberadenheid van die MK-party. Die party staan as ʼn baken van hoop vir Suid-Afrikaners op soek na ʼn nuwe era van bemagtiging en verteenwoordiging.
“Die valshede oor president Zuma se gesondheid is desperate pogings om ons vordering te ontwrig en ons vasberadenheid te verswak,” hou Ndhlela vol.
Hy doen dan ʼn beroep op die party se ondersteuners om waaksaam te bly teen die verspreiding van verkeerde inligting en “bedrieglike leuens wat ontwerp is om die mag, eenheid en leierskap van ons mense, ons party en ons leiers te ondermyn.
“Hierdie bedrieglike gerugte dien net as afleiding. Hulle poog om ons fokus af te lei van die kritieke werk om ons mense te mobiliseer vir ʼn tweederdemeerderheid in die komende verkiesings,” sê Ndhlela.
Gesond soos Biden. Zuma sal almal verkeerd bewys en binnekort weer pa word.
Hy is dan te siek om tronk toe te gaan.
Nou wat nou
@ Repunlikein
Ha ha ha!! En seker met ‘n tweeling of meer.
Te siek om tronk toe te gaan, maar spring lewendig om weer president te word
Daar is baie mense wat hom beny, een oombik baie sieklik en die volgende dag dans hy soos n skou perd.
As hy sprinlewendig is moet hy mos terug gaan tronk toe?
maar nou kan hy mos sy dag in hof kry
Net n kwessie van tyd.
SjN,waarvoor moet hy teruggaan tronk toe.Hy het prsesidensieële kwyttskelding ontvang en hy is nog nie skuldig bevind in sy korrupsiesaak nie.
Dis nou jammer…..
Die storie van die SA klug
Stuur hom dadelik terug tronk toe waar hy hoort.
Waar kry hy sy wonder medesyne ek soek ook ken baie mense wat rerig siek is. Hoop hy kry daai siektes wat hom pas
Daar is darem maar niks wat so gesond kan maak soos ‘n Rand teken.