Die supermaan skyn oor ʼn Christelik-Ortodokse kerk in Moskou, Rusland. (Foto: Alexander Zemlianichenko, AP)
Mense het sedert Maandagaand die hemelruim met die grootste supermaan van 2020 wat wêreldwyd te siene was, bewonder.
Dié supermaan is die grootste en helderste volmaan van die jaar en sal na verwagting tot Donderdagoggend duidelik sigbaar wees.
Volgens die Amerikaanse Nasionale Lugvaart- en Ruimteadministrasie (Nasa) verskyn ʼn supermaan wanneer die maan op sy naaste aan die aarde is. Dié supermaan, ook bekend as die pienkmaan, is vanjaar 356 942 km van die aarde af.
Só lyk dié besonderse supermaan.
-
- Die supermaan in Hamburg, Duitsland. (Foto: Axel Heimken, AP)
-
- Die pienkmaan is net-net sigbaar oor die Belvoir-kasteel in Leicestershire, Engeland. (Foto: Danny Lawson/PA, AP)
-
- Die pienkmaan skyn oor die Universiteit van Kansas se kampus in Lawrence. (Foto: Orlin Wagner, AP)
-
- ʼn Standbeeld van die Romeinse god Mercurius word deur die supermaan verlig. (Foto: Mark Humphrey, AP)
-
- Die supermaan is sigbaar deur die kunswerk genaamd Sewe Magiese Berge deur die kunstenaar Ugo Rondinone in Las Vegas. (Foto: John Locher, AP)
-
- Die pienkmaan agter ʼn kantoorgebou in Kansas-stad in Missouri, VSA. (Foto: Charlie Riedel, AP)
-
- Die supermaan bo die 509-hoofwegbrug in Tacoma, Washington, in die VSA. (Foto: Ted S Warren, AP)
-
- Die pienkmaan sak agter ʼn toring op die Tampa-universiteitskampus in Florida. (Foto: Chris O’Meara, AP)
-
- Die supermaan in St. Louis, VSA (Foto: David Carson/St. Louis Post-Dispatch, AP)
-
- Die supermaan skyn oor ʼn neonroomysbord in Owasso, Oklahoma. (Foto: Mike Simons/Tulsa World, AP)
Dankie vir die deel. Ek was gisteraand te moeg om op te bly net om na die maan kyk.
Baie mooi fotos. As n kunstenaar en fotograaf is Maroela se foto artikels een van my gunsteling dinge. Wens ek kon n behoorlike filter vir my DSLR kamera bekostig maar dit kos n plaas se geld.
Katerinadiekat, wanneer jy die maan afneem, kan jy teen ‘n redelik vinnige spoed kliek, want die volmaan is helder verlig. Watter filter jy nodig het sê jy nie, maar as jou zoom nie genoeg is nie, staan op ‘n stoel wanneer jy die maan afneem.
Dit is nie net die mens wat hierdie besondere verskynsel waardeer het nie. Ek is daarmee saam, bederf met ‘n besondere musikale weergawe van ‘n aria uit la Luna, deur die teef in my lewe. Sy het vir enkele minute op die gras gaan sit, passievol die maan gadegeslaan, en met haar maangesang, ook as viervoetige, haar bewondering hoorbaar gemaak. Duidelik nie net mense wat só ‘n mooi maan, waardeer nie.