David Cherry en Malcolm Marx tydens die afgelope naweek se wedstryd in Marseille. (Foto: Pascal GUYOT / AFP)
David Cherry van Skotland is op pad huis toe nadat hy op ’n trap gegly het by die hotel waar die span in Frankryk tuisgaan en harsingskudding opgedoen het.
Dit beteken die Skotse haker sal vir ten minste die volgende 12 dae nie kan speel nie.
“Die besluit is dus geneem om sy betrokkenheid by die toernooi om mediese redes te beëindig nadat hy Maandag op die span se rusdag op die hoteltrap gegly en sy kop beseer het,” het die Skotse rugbyfederasie Donderdag aangekondig.
Cherry het Sondag vir die eerste keer in ’n Wêreldbeker-wedstryd uitgedraf toe sy span en die Springbokke mekaar die stryd in Marseille aangesê het. Die Bokke het die Skotte met 18–3 geklop.
“Ek is geweldig teleurgesteld om die groep met harsingskudding te verlaat,” het Cherry Donderdag gesê.
“Ek was mal oor my tyd in die oefenkamp gedurende die somer en om aan my eerste Wêreldbeker-wedstryd Sondag teen Suid-Afrika te kon deelneem. Ek wil die span alle sterkte toewens vir die res van die kompetisie.”
Stuart McInally, wat aanvanklik op bystand was nadat Ewan Ashman verlede week ook harsingskudding opgedoen het, is opgeroep om Cherry te vervang.
Die nuus oor Cherry volg kort nadat dit bekend geword het dat die Suid-Afrikaanse haker Malcolm Marx óók uit die skouspel is. Marx het Woensdag sy knie tydens een van die Bokke se oefensessies beseer.
- Skotland speel op 24 September teen Tonga in Nice, gevolg deur Roemenië in Lille ses dae later voordat hulle op 7 Oktober teen Ierland in Parys te staan kom.
Stuart McInally has been called up into the Rugby World Cup 2023 squad to replace David Cherry, who has left the tournament through injury.
Read more ➡️ https://t.co/1ATTzhngTo pic.twitter.com/6fyNTbZqSH
— Scottish Rugby (@Scotlandteam) September 14, 2023
L'Écosse devra faire sans David Cherry pour le reste de la Coupe du monde#RWC2023 pic.twitter.com/Oa5LBdBIl8
— Rugby World Cup FR ???????? (@RugbyWorldCupFR) September 14, 2023
Het dalk ‘n paar kappies gemaak so op die rusdag?
Ja wragtag B-man. Stem saam met jou. Tensy hy die harsingsskudding opgedoen het op die veld en as gevolg daarvan op die hoteltrap geval het…
Dan kan dieselfde seker van Marx ook gese word
Klink my party rugbyspelers is net gemaak vir horisontale grasperke.
Ag siestog ne !!!!!??