(Foto: Skermskoot)
ʼn Belangrike brug in die Amerikaanse stad Baltimore in die deelstaat Maryland het enkele ure gelede ineengestort nadat ʼn vragskip daarteen gebots het.
BBC berig die Francis Scott Key-brug van 3 km het Dinsdag in die vroeë oggendure (Amerikaanse tyd) in die Patapsco-rivier gestort kort nadat die Dali, ʼn vragskip, daarteen gebots het.
Die vaartuig is 300 m lank en was ten tyde van die voorval op pad na Colombo in Sri Lanka toe dit omstreeks 01:30 (Amerikaanse tyd) teen die brug gebots het.
Die volle lengte van die brug het kort daarna meegegee en in die water beland het.
????????????#BREAKING: A major bridge has collapsed in Baltimore after a ship collided into it.
Thoughts and prayers with all those involved ????????
— Censored Men (@CensoredMen) March 26, 2024
Voorlopige inligting dui daarop dat 20 mense en verskeie voertuie ook in die water beland het.
Reddingspogings is tans onderweg.
Brandon M Scott, burgemeester van Baltimore, en Johnny Olszewski Jr., uitvoerende hoof van Baltimore County, het albei gesê hulle is bewus van die voorval.
“Bid asseblief vir diegene wat geraak word,” het Olszewski op X gesê.
We are closely monitoring the ongoing situation at the Key Bridge.
I remain in contact with our emergency response team as well as state and local partners, including @MayorBMScott and @AACoExec. Response efforts are ongoing.
Our prayers remain with all those impacted.
— County Executive Johnny Olszewski (@BaltCoExec) March 26, 2024
Die Francis Scott Key-brug is deel van die 695-snelweg rondom Baltimore.
Hou Maroela Media dop vir meer oor die voorval.
Dis verskriklik – 1998 is baie naby familielede van my oorlede oor brug wat in Bosbokrand ineengestort het
Iemand gaan ‘n vet rekening kry om die brug reg te maak.
Die skip is nie in die video nie, so moes vroeër in die brug gevaar het. Hoekom sou hulle nie toegang weier en eers seker maak alles is nog stabiel nie? Baie tragies
Misky, die skip is in die video aan die linker kant.
Ek neem aan dit is n onmenslike gevoel as jy in n kar oor die brug ry ,en dit gebeur.
Misky: Die skip is wel sigbaar aan die linkerkant. Die brug moes kort na die botsing inern gestort het wat dit onmoontlik gemaak het vir die owerhede om verkeer te stop en die brug oor die 3 km afstand skoon te kry.