(Argieffoto).
Zimbabwe se parlement het ʼn omstrede wet goedgekeur wat oënskynlik patriotisme bevorder, maar volgens die opposisiepartye eerder ʼn “drakoniese” poging is om onenigheid voor die nasionale verkiesings te bevorder.
Die wetsontwerp wat Woensdagaand deur die laerhuis van die parlement goedgekeur is, kriminaliseer dade wat “die soewereiniteit en nasionale belang” van Zimbabwe skaad.
In die mees ekstreme gevalle loop oortreders die risiko van 20 jaar tronkstraf.
“Wat hulle kriminaliseer, is menings wat verskil van dié van Zanu-PF … en dit gebeur aan die vooraand van ʼn verkiesing wat sonder enige twyfel wys dat enige mate van hervorming geïgnoreer word,” sê Ostallos Siziba, woordvoerder van die opposisieparty Citizens Coalition for Change (CCC).
“Vryheid van spraak is nou dood,” het die vooraanstaande verslaggewer en aktivis Hopewell Chin’ono op sosiale media gesê. “Dit is ʼn baie hartseer dag vir Zimbabwe.”
Die wet is goedgekeur net ure nadat die regering aangekondig het dat die nasionale verkiesing op 23 Augustus gaan plaasvind.
Politieke ontleders voorspel dat dit ʼn gespanne verkiesing gaan wees in ʼn land waar ontevredenheid oor armoede, kragonderbrekings en ander tekorte diep loop.
Joseph Chinotimba, ʼn raadslid van die regerende Zanu-PF-party, het aan die parlement gesê die nuwe wet het ten doel om Zimbabwiërs aan te moedig om “patrioties” te wees.
“Hierdie wetsontwerp is nie bedoel om die bestaan van politieke partye te beperk nie, maar dit is daar om die mense van Zimbabwe aan te moedig om hul land lief te hê en op te hou om probleme aan die kaak te stel,” het Chinotimba gesê.
Hy het die wet as “edel… met goeie bedoelings” beskryf.
Opposisiepartye sê egter dit verbied enige kritiek op die regering.
“Laat die geskiedenis weet dat ek nie deel was van hierdie rumoer en sirkus nie,” het Temba Mliswa, opposisieraadslid, aan die parlement gesê voordat hy uitgeskop is.
Die wet sal nou na die senaat gaan.
Die wet sal dan deur pres. Emmerson Mnangagwa goedgekeur moet word – iets wat die direkteur van die Zimbabwe se menseregte-forum, Musa Kika, gesê het feitlik ʼn gegewe is.
“Hierdie wetsontwerp is die mees drakoniese wet wat ons nog in Zimbabwe gesien het,” sê Kika.
Politieke ontleders sê die tagtigjarige Mnangagwa, wat oudpres. Robert Mugabe in 2017 vervang het ná ʼn militêre staatsgreep, het sy oog op ʼn tweede termyn in Augustus.
Hy sal egter teen Nelson Chamisa, ʼn 45-jarige prokureur en pastoor, wat die onlangs gestigte CCC-party lei, moet meeding. Chamisa het in 2018 teen Mnangagwa verloor.
‘ʼn Afstootlike wet’
Die nuwe wetgewing maak onder meer voorsiening daarvoor om diegene te straf wat aktief aan vergaderings deelneem waar sanksies of ʼn handelsboikot teen Zimbabwe bespreek word.
Die regering kla al lank oor die impak van sanksies wat Westerse lande op ʼn aantal entiteite en individue ingestel het weens menseregtevergrype en korrupte praktyke.
Die voormalige minister van finansies en opposisiepolitikus, Tendai Biti, het met verwysing na die land as eerstydse Britse kolonie gesê dat daar tóé nie eens so ʼn “weersinwekkende wet aanvaar is nie”.
Die wetsontwerp is die jongste in ʼn reeks skuiwe wat volgens kritici daarop gemik is om enige stemme wat nie vir die regering is nie, in die aanloop tot die verkiesing stil te maak.
In Februarie het die regering burgerregteorganisasies verbied om by politiek betrokke te raak.
Die opposisie het ook die regerende party daarvan beskuldig dat hy die howe gebruik om opposisiepolitici uit die verkiesing te haal en sê daar was ʼn toename in arbitrêre inhegtenisnemings en onderdrukking van burgerregtegroepe.
Dit gaan hier ook nog gebeur-dis maar hoe Afrika werk
Ek twyfel of dit in SA sal gebeur. Die EFF sal dit nie toelaat nie, hulle sal almal in die tronk op eindig.
Heerlik, heerlik! Nou kan die res van Zim hier hul ID’s wat glo so verbrand het, kom hernu. En binnekort doen die ANC hierdie grappie na. Trek ons al by 100 milj inwoners? G’n wonder nie dat die sensus wat so ‘n paar jaar terug plaasgevind het steeds geheim bly nie.
Dan annie, sal jy seker graag na Rusland emigreer, waar jy vir jou held kan stem.
Dis angswekkend hoeveel raakpunte hierdie situasie met Suid-Afrika het…
Wens ek kon met jou verskil, maar dit is so verdomp waar wat jy sê.
Dis maar net dieselfde ou storie van hoe Afrika werk. Een Vryheidsvegter word ‘n despoot tot die proses homself herhaal.
Die hartseer ding is, toe ou Bob Mugabe nie meer in bewind was nie het die mense in die strate gedans want hulle het gedink hulle lot is veilig.
Kritiek is nie nodig nie die spore van verval, siekte, armoede en hopeloosheid is oral te sien as ‘n resultaat van die regering se bewind. SA is presies dieselfde, en binnekort sal die regering ook nie gekritiseer mag word nie.
Ek voorspel dit gaan binnekort gebeur. Die anc leer mooi by hulle bure.
En dit, my vriende, is wat mens kommunisme noem. As jy daardie wet gaan lees, sal jy sien dit los baie oop vir interpretasie. Daardie mense het geen regte nie – nie eers vryheid van spraak nie.
Jou regering dien jou – nie andersom nie!
Hahahaha sien wat gebeur as jy met die rooi lande besigheid doen en hulle amper al jou minerale in jou land besit, dan doen jy sulke dinge want hulle vertel jou hoe dit in hulle lande gedoen word en dit werk 100%, dan dink jy dit sal mos in jou land ook werk. GELD en MANUPILASIE is aan die orde van die dag.
ANC, EFF en Zanu-PF is uit dieselfde doek gesny
Wat Zim doen volg hier in SA.
Die WAARHEID oor wandade en die sonde nou en in die verlede sal in die laaste dae nie meer verdra of gehoor wil word nie. So beweeg ons stadig maar seker na die voleinde van die wêreld. Ons moenie dink dat SA vrygestel is van die afvalligheid en oordeel wat ons wêreldwyd sien nie.
Toe Barack Obama [met sy NobelVredesprys in die sak] in die Withuis gesit het, het hy ook wetgewing uitgevaardig wat sy bewind beskerm. Alle goeie dinge moes opgehemel word, en alle slegte dinge weggesteek. Beamptes het gekla, Associated Press het selfs n klagte ingedien daaroor. In sy laaste jaar as prez het hy $36 miljoen spandeer aan regskoste om Freedom of Information-versoeke af te keur.
Zelenski het wetgewing wat hom beskerm teen kritiek. Inteendeel, daar is n webwerf, Mirotvorets, waarop enigeen wat Zelenski, Oekraine kritiseer, gelys word; hulle noem dit n “kill list”.