Die Spanjaard Rafael Nadal het Sondag weer koning gekraai by Roland Garros. Dit is sy 12de Franse Ope-titel.
Nadal het Dominic Thiem van Oostenryk 6-3, 5-7, 6-1, 6-1 geklop.
Thiem (25) het verlede jaar ook in die eindstryd van die Franse Ope teen die 32-jarige Spanjaard vasgeval.
Organiseerders het vroeër gesê ligte sal geïnstalleer word op die vier hoofbane vir volgende jaar se Franse Ope en alle bane die daaropvolgende jaar, om te voorkom dat wedstryde opgeskort moet word sodra dit aand word. Die Philippe Chatrier-, Suzanne Lenglen- en Simonne Mathieutennisbane insluitend tennisbaan No. 4 sal kunsmatige beligting hê vir 2020.