Só staan sake vir SA atlete in Parys

(Foto: @Paralympics/Twitter)

Twee Suid-Afrikaanse atlete was reeds vanoggend in aksie by die Wêreld-Para-Atletiekkampioenskap in Parys.

Yané van der Merwe het agtste geëindig in die finaal van die diskus (F64) terwyl Refilwe Mosifane ook met die agtste plek tevrede moes wees in die finaal van die 400 m (T36).

Daar is net nog een Suid-Afrikaanse atleet wat later vandag in aksie sal wees. Tebogo Mofokeng neem vanaand in een van die uitdunne van die 100 m (T64) deel.

Puseletso Mabote het gister in die eindronde van die verspring (T63-klas) 11de geëindig terwyl Jaco Smit in die 100 m-finaal (T12) met die vierde plek tevrede moes wees.

Sheryl James en Liezel Gouws het in die finaal van die 400 m (T37) deelgeneem. Hoewel James vierde geëindig het, is haar tyd van 1:03.38 ʼn nuwe Afrika-rekord.  Gous was vyfde in ʼn tyd van 1:07.40, haar beste nog die afgelope seisoen.

Suid-Afrika het tans nog net een medalje gewen nadat Louzanne Coetzee tweede in die 1 500 m vir T11-vroueatlete geëindig het. Haar tyd van 4:48.13 is haar beste nog die afgelope seisoen.

???????????? What a phenomenal achievement! Louzanne Coetzee has claimed the SILVER medal in the T11 1500m event at the World Para Athletics Championships in Paris! Congratulations on this well-deserved success! ????????❤️????#ForMyCountry#TeamSA pic.twitter.com/Tmqexg8Cps

— Team South Africa (@TeamSA2024) July 10, 2023