(Foto verskaf)
Die feesseisoen is op hande, en die beste geskenk wat ouers en grootouers vir hul kinders en kleinkinders kan gee, is gehaltetyd en die voorbeeld van goeie karakter.
In ʼn wêreld waar karakter en etiese besluitneming van uiterste belang is, word die inplanting van sterk waardes vroegtydig in ʼn kind se lewe die grondslag vir die ontwikkeling van verantwoordelike, meelewende leiers. Oorweeg dus om dié Kersfees vir elke kleinkind tussen 4 en 9 jaar ʼn Kroonkinders-boek vir Kersfees te koop.
Kroonkinders, wat deur Solidariteit Helpende Hand ontwikkel is, sal kinders toerus met ʼn stewige grondslag om waardes soos liefde, gehoorsaamheid, betroubaarheid, eerlikheid, diensbaarheid, wysheid, respek, selfbeheersing, verantwoordelikheid en dankbaarheid te verstaan en te beoefen. Waardes wat in die kinderjare geleer word, word dikwels lewenslange, leidende Bybelse beginsels. In ʼn samelewing wat smag na verantwoordelike en diensbare leiers, het Kroonkinders die potensiaal om die volgende generasie van gemeenskapsleiers positief te vorm.
Kroonkinders is nie net ʼn boek nie; dit is ʼn instrument vir interaksie en gesamentlike ontdekking. Die Kroonkinders-boek gaan verder as die tradisionele vertel van stories en streef daarna om waardes, wat ʼn integrale deel van ʼn kind se karakter vorm, te vestig. Dit sluit verskeie aktiwiteite in om die leer van waardes ʼn prettige en interaktiewe ervaring vir kinders te maak. Deur kleure, vorms en nommers te gebruik, betrek die aktiwiteite jong breine en maak dit die proses van waardes aanleer aangenaam en onvergeetlik. Ouers en kleinkinders kan hierdie geleentheid gebruik om met hul kinders en kleinkinders in gesprek te tree, waarmee ʼn gesamentlike reis wat die bande tussen generasies versterk, bevorder word.
-
- (Foto verskaf)
-
- (Foto verskaf)
-
- (Foto verskaf)
-
- (Foto verskaf)
Hierdie feesseisoen, oorweeg die impak van ʼn blywende geskenk. Stel jou voor die vreugde op hul gesigte terwyl hulle in ʼn wêreld van kleurvolle stories en boeiende aktiwiteite duik, almal gesentreer rondom die waardes wat werk in ʼn gesonde gemeenskap. Namate kinders groei, word hierdie waardes die kompas waarmee hulle rotsvas die kompleksiteite van die lewe hanteer.
Deur ʼn Kroonkinders-boek vir jou kind of kleinkind te koop, belê jy in ʼn gemeenskap gebou op liefde, respek, verantwoordelikheid en dankbaarheid. Die gemeenskap word ook aangemoedig om die boekie vir ʼn hulpbehoewende graadeentjie aan te koop, wat as deel van Helpende Hand se skooltassie versprei sal word.
Bestel vandag jou Kroonkinders-boek teen R150 by www.kroonkinders.co.za.
* Bestellings sluit 20 Desember 2023 tot 8 Januarie 2024, en gaan weer voort vanaf 8 Januarie 2024.
Bybelse beginsels? Leer dit die kinders dat dit reg is vir grootmense om kinders te slaan. Of stout kinders met klippe dood te gooi?. Of dat god gays haat. Of dat jy glad nie moet werk of sport speel op Sondae nie. Dat vrouens stil moet bly, onderdanig moet wees en hul koppe met uitspattige hoedens moet bedek? Dis mos alles bybelse beginsels.