Gedagte vir die dag: Net soos jy is

Foto: pixabay.com

Ek is al u gunsbewyse nie werd nie. (Genesis 32:10)

Dit is eintlik ’n baie vertroostende gedagte vir die nederige sondaar. Jy dink dalk jy kan nie na God toe gaan nie omdat jy onwaardig is, maar daar is niemand op aarde wat nog nie onwaardig gevoel het nie. As selfs Jakob en Jesaja en Paulus almal verplig gevoel het om te sê hulle is onwaardig, sal jy dan skaam wees om dieselfde belydenis te doen?

As God sy mense liefhet wanneer hulle onwaardig is, dink jy dan jou onwaardigheid sal keer dat Hy jou liefhet? Stel jou geloof in Jesus. Hy wil jou hê net soos jy is. Mag die Heilige Gees jou ’n reddende geloof gee in die een wat onwaardiges verwelkom.

Bron:  Elke nuwe dag deur Charles H. Spurgeon
Uitgewer: Christelike Uitgewersmaatskappy/CUM