14-jarige vas ná moord op vrou

Argieffoto

ʼn Veertienjarige seun is in hegtenis geneem in verband met die moord op ʼn 55-jarige vrou in Kuilsrivier in Kaapstad.

Beamptes van die Kuilsrivier-polisie het omstreeks 17:45 Saterdag gereageer op ʼn klag en is na ʼn huis in Kalkfontein.

“Met hul aankoms het hulle die vrou met verskeie steekwonde oor haar liggaam op die grond aangetref,” het kapt. FC van Wyk, polisiewoordvoerder, gesê.

Die nooddienste is ontbied en die vrou is op die toneel dood verklaar. “Die presiese omstandighede rakende die voorval is nog nie bekend nie en word ondersoek,” het Van Wyk gesê.

News24 berig die oorledene was glo die seun se ma.

Die seun sal binnekort in die Blue Downs-landdroshof verskyn.

Enige iemand met inligting oor die voorval word versoek om die Kuilsrivier-polisie by 021 900 2800 of Stop Misdaad by 08600 10111 te kontak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
George

Snaaks dat jy nooit van die tipe ding gehoor het toe “ordentlike” straf deur ouers en onderwysers toegelaat was nie, en die boompie gebuig moes word terwyl hy nog jonk is nie.

Poppie

Hoe is dit dat kinders dit al meer en meer doen? Blootstelling aan geweld of dwelms?

Pikkewyne

Hulle leer nie verantwoordelikheid vir hulle dade nie want daar word nie meer strawwe uitgedeel vir oortredings nie…

Sarel

Inlywing by Bendes , Volwassenes gebruik minderjariges om moord te pleeg want jy kan nie tronk toe gaan nie. Voorbeeld wat deur volwassenes en Regering gestel word. SA die land waar jy vuurwapen op straat koop en waar jy die maklikste huurmoordenaars kan kry

Johanna Botha

Ook dalk agv VROT ouers !